GBIME

सन् २०२२ मा विश्व अर्थतन्त्रले नयाँ उचाइ छुने, पहिलो पटक १०० ट्रिलियन डलर पार गर्ने


बिजखबर संवाददाता
27 December, 2021 12:10 pm

काठमाडौं । विश्वको आर्थिक उत्पादन (इकोनोमिक आउटपुट ) अर्को वर्ष पहिलो पटक १०० ट्रिलियन डलर नाघ्ने देखिएको छ । साथै, चीनलाई पहिलो नम्बरको अर्थतन्त्रको रूपमा संयुक्त राज्य अमेरिकालाई उछिन्न पहिलेको तुलनामा केही समय लाग्ने आइतबार सार्वजनिक प्रतिवेदनमा उल्लेख छ ।

Laxmi
NABIL
Yamaha

बेलायती परामर्शदाता सेब्रले चीन सन् २०३० मा डलरको हिसाबले विश्वको शीर्ष अर्थतन्त्र बन्ने प्रक्षेपण गरेको छ । यो गतवर्षको वल्र्ड इकोनोमिक लिग टेबल्स रिपोर्टमा उल्लेख भएभन्दा दुई वर्ष ढिलो हो ।

भारत सन् २०२३ मा विश्वको छैटौं ठूलो अर्थतन्त्र बन्ने

सेब्रले भारतले अर्को वर्ष फ्रान्सलाई उछिन्ने र २०२३ मा बेलायतले विश्वको छैटौं ठूलो अर्थतन्त्रको रूपमा आफ्नो स्थान पुनः प्राप्त गर्न तयार भएको उल्लेख गरेको छ । सेब्रका उपाध्यक्ष डगलस म्याकविलियम्सले २०२३ को लागि मुख्य मुद्दा विश्व अर्थतन्त्रहरूले मुद्रास्फीतिसँग कसरी जुध्छन भन्ने रहेको बताए । जुन अहिले अमेरिकामा ६.८ प्रतिशत पुगेको छ । ‘हामी गैर–अस्थायी तत्वहरूलाई नियन्त्रणमा राख्न अपेक्षाकृतसमायोजनको आशा गर्छौं । यदि होइन भने, संसारले २०२३ वा २०२४ मा मन्दीको लागि आफैलाई तयार गर्न आवश्यक छ’, सेब्रको प्रतिवेदनमा उल्लेख छ ।

sarbottam

सन् २०३३ मा जर्मनी जापानभन्दा अगाडि रहने

प्रतिवेदनले सन् २०३३ मा आर्थिक उत्पादनमा जर्मनी जापानलाई उछिन्ने बाटोमा रहेको देखाएको छ । रुस सन् २०३६ सम्ममा शीर्ष १० अर्थतन्त्र बन्न सक्ने र इन्डोनेसिया २०३४ मा नवौं स्थानमा पुग्ने बाटोमा रहेको प्रतिवेदनमा उल्लेख छ ।

प्रतिक्रिया दिनुहोस्

NTC
MBL