काठमाडौं । अब कुनै कम्पनीले प्राथमिक सेयर (आइपीओ) निष्काशन गर्दा १० प्रतिशत आरक्षण विदेशमा भएका नेपालीलाई छुट्याउनुपर्नेछ । नेपाल धितोपत्र बोर्डले धितोपत्र निष्काशन तथा बाँडफाँड निर्देशिका (छैँठौं संशोधन)मा यसको व्यवस्था गरिदिएको हो ।

चालु आर्थिक बर्षको बजेट भाषणमा समेटिएको ‘श्रम स्वीकृति लिएर विदेशमा काम गर्न गएका नेपालीलाई पनि संगठित संस्थाले आईपीओ जारी गर्दा १० प्रतिशत आरक्षण छुट्याउनुपर्ने’ बुँदालाई बोर्डले आजदेखि लागु गरेको हो ।

विदेशमा रहेका नेपाली श्रमिकहरुले आइपीओमा आवेदन दिँदा नेपालमा रहेका बैंकको रेमिट्यान्स खाताबाट सेयरको रकम भुक्तानी गर्नुपर्नेछ । यस्तै आइपीओमा आवेदन दिनका लागि श्रमिकले नेपालमा रहेको आफ्नो विप्रेषण खातामा पछिल्लो ६ महिनामा ५० हजार रुपैयाँ जम्मा गरेको हुनुपर्ने शर्त राखिएको छ ।

यस्तै नेपाली श्रमिकले नेपालमा हितग्राही खाता खोल्न चाहेमा अनलाइन भेरिफिकेसनका आधारमा हितग्राही नम्बर दिन सकिने व्यवस्था मिलाउन सम्बन्धित निकायलाई धितोपत्र बार्डले निर्देश गरेको छ ।

[googleapps domain=”drive” dir=”file/d/1HwvW9FhFp5XwpLRneOA4NW-CmRoSUfuQ/preview” query=”” width=”640″ height=”480″ /]