GBIME

मञ्जुश्री फाइनान्सका लगानीकर्ताले २३.५० प्रतिशत लाभांस पाउने, १३ औंं बार्षिक साधारण सभाले गर्याे प्रस्ताव पारित


बिजखबर संवाददाता
15 January, 2021 3:27 pm

manjushree finance

काठमाडौं । मञ्जुश्री फाइनान्स लिमिटेडले आफ्ना सेयरधनीहरुलाई २३ दशमलव ५० प्रतिशत लाभांस वितरण गर्ने भएको छ । कम्पनीको गत २९ गते सम्पन्न १३ औंं वार्षिक साधारण सभाले १८ प्रतिशत बोनस सेयर र ५ दशमलव ५० प्रतिशत नगद लाभांस गरी २३ दशमलव ५० प्रतिशत लाभांस दिने निर्णय गरेको हो । बोनस सेयर वाँडफाँड पश्चात कम्पनीको चुक्ता पूँजी ९६ करोड ५३ लाख रुपैयाँ पुगेको छ ।

NLIC
LAXMI

तेह्रौ वार्षिक साधारण सभाबाट संस्थापक समूहका सेयर धनिहरुका तर्फबाट सञ्चालकको पदका लागि यादब अधिकारी, रामहरी शर्मा र रविन राज देवकोटा र सर्वसाधारण शेयरधनिहरुका तर्फबाट दिल मान सिंह चन्द निर्विरोध निर्वाचित भएका छन् ।

साधारण सभा पश्चात सम्पन्न सञ्चालक समिति बैठकले इन्दिरा पन्डित घिमिरे लाई सर्वसम्मत रुपमा अध्यक्ष चयन गरेको छ ।

संस्थाको हाल सम्म ९ अर्ब निक्षेप संकलन तथा ७ अर्ब ९६ करोड रुपैयाँ कर्जा लगानी रहेको छ ।

प्रतिक्रिया दिनुहोस्

CIVIL
NCHL