काठमाडौं । द्रुत गतिमा परिवर्तन हुँदै गइरहेको विश्वमा हरेक दिन नयाँ–नयाँ प्रविधि आइरहेका छन । जसका कारण बढ्दो सुविधासँगै ठगीको प्रविधि पनि बढ्दै गएको छ । तपाईं अनलाइन भुक्तानी गर्न सक्नुहुन्छ वा एटीएम बाट नगद झिक्न सक्नुहुन्छ ।

आजकल, ठगी गर्नेहरूले एटीएमबाट पनि ठगी गरिरहेका छन् । थोरै रकम पनि निकाल्दा लापरबाही गर्नुभयो भने तपाईको खाता खाली हुन सक्छ र ठगीको जालमा फस्न सक्नुहुन्छ । यस्तो अवस्थामा एटीएमबाट पैसा निकाल्दा केही विषयमा ध्यान दिनसके तपाई ठगीबाट बच्न सक्नुहुन्छ ।

एटीएम भित्र अपरिचित व्यक्तिको सहयोग नलिनुहोस्

आफ्नो काम चाँडै सम्पन्न गर्नको लागि हामी सामान्यतया अरूमा भर पर्छौं । हामी प्रायः अरू कसैले तपाईंको काम चाँडो गरेर तपाईंलाई दिओस् भन्ने चाहन्छौं । एटीएमबाट पैसा निकाल्न जाँदा प्रायः केही समस्या आएपछि बाहिर उभिरहेका अपरिचित व्यक्तिको सहयोग लिन्छौं तर, तपार्ई यसो गर्नबाट तपाई जोगिनुपर्छ किनभने आजकल ठगी गर्नेहरुले तपाईलाई ठगी गर्ने प्रयास गरिरहेका हुन्छन् । पैसा झिक्न कठिनाइ आएको अवस्थामा तपाईंले एटीएममा उपस्थित गार्डको मद्दत भने लिन सक्नुहुन्छ ।

एटीएम पिन

प्रायः हामी सोच्छौं कि एटीएम भित्र कोही छैन, त्यसैले सजिलैसँग पिन नम्बर थिच्छौं वा प्रविष्ट गर्छाै । तर, त्यसो गर्नबाट जोगिनुपर्छ । ठगहरुले तपाईंलाई सधैं हेरिरहेका हुन सक्छन् र तपाईंको सानो गल्ती धेरै महँगो साबित हुन सक्छ, त्यसैले सधैं गोप्य रूपमा पिन प्रविष्ट गर्नुहोस् ।

पैसा निकाल्नु अघि एटीएम जाँच गर्नुहोस्

पैसा निकाल्दा हतार नगर्नुहोस् । पैसा झिक्नुअघि सधैं एटीएम मेसिन जाँच गर्नुहोस् कि यो मेसिनसँग कसैले छेडछाड गरेको छैन । यस बाहेक, सुरक्षाको हिसाबले, तपाईंले एटीएम भित्र लुकेको क्यामेरा जडान गरिएको छ कि भनेर हेर्नुपर्छ ।

समय समयमा पिन परिवर्तन गर्नुहोस्

यदि तपाई सधैँ नगदमार्फत भुक्तान गर्ने व्यक्ति हुनुहुन्छ भने तपाईले केहि दिनमा एटीएम कार्डबाट पैसा निकाल्नुपर्छ । यस्तो अवस्थामा तपाईले आफ्नो एटीएम कार्डको पिन नियमित अन्तरालमा परिवर्तन गरिरहनुपर्छ ताकि तपाईसँग ठगीको सम्भावना कम हुन्छ । अनुवादित