काठमाडौं । पछिल्ला दशकमा सबैभन्दा उतारचढावयुक्त र नयाँ सम्पत्ति वर्गमध्ये क्रिप्टोकरेन्सी अग्रपंक्तिमा रहेको छ। हजारौं टोकनहरू बजारमा भए पनि, केही मात्रले पूँजीकरणको ठूलो हिस्सा ओगटेका छन्।

कोइन गेको को तथ्यांकका आधारमा २५ जुलाई २०२५ सम्मका विश्वकै ठूला २० क्रिप्टोकरेन्सीको बजार मूल्याङ्कन सार्वजनिक भएको छ। यसले बिटक्वाइन र इथेरियमजस्ता ठूला डिजिटल मुद्राहरूको वर्चस्व देखाउँछ भने, लेयर १ टोकन, स्थिर मुद्रा (स्टेबलक्वाइन) र मेमक्वाइनको उपस्थिति पनि स्पष्ट पार्छ।

बजार पूँजीकरणमा बिटक्वाइनको अग्रता

करीब २.३६ ट्रिलियन अमेरिकी डलरको बजार मूल्यसहित बिटक्वाइन सबैभन्दा ठूलो क्रिप्टोकरेन्सीको रूपमा अगाडि छ । यो दोस्रो स्थानको इथेरियमभन्दा पाँच गुणा बढी हो।

इथेरियम ४ सय ३५ अर्ब डलरसहित दोस्रो स्थानमा रहँदा, तेस्रो स्थानमा एक्सआरपी १ सय ९२ अर्ब डलरसहित रहेको छ।

• शीर्ष २० क्रिप्टोकरेन्सी (बजार मूल्य अमेरिकी डलरमा)
• Bitcoin $2,356
• Ethereum $435
• XRP $192
• Tether $162
• Binance Coin $108
• Solana $102
• USDC $65
• Lido Staked Ether $38
• Dogecoin $37
• Cardano $30
• Tron $29
• Hyperliquid $15
• Wrapped Bitcoin $15
• Wrapped stETH $14
• Sui $13
• Stellar $13
• Chainlink $12
• Wrapped Beacon ETH $12
• Hedera $11
• Bitcoin Cash $10

स्थिर मुद्रा र मेमक्वाइनको भूमिका
टेदर र युएसडिसीजस्ता प्रमुख स्थिर मुद्राहरूले क्रिप्टो बजारमा तरलता र मूल्य स्थिरता कायम राख्न महत्वपूर्ण भूमिका खेलेका छन्। यी दुवैको संयुक्त बजार मूल्य १८० अर्ब डलरभन्दा बढी छ।

इन्टरनेट संस्कृतिबाट जन्मिएको डोजक्वाइन अझै ३७ अर्ब डलरको बजार मूल्यसहित शीर्ष १० भित्र रहन सफल भएको छ ।