युनाईटेड इर्दी मर्दीको आईपीओमा आवेदन दिने आज अन्तिम दिन, १० हजार कित्तासम्म आवेदन दिन सकिने


बिजखबर संवाददाता
22 November, 2020 1:14 pm

काठमाडौं । युनाईटेड इदी–मार्दी एण्ड आरबि हाइड्रोपावर लिमिटेडको आईपीओ मा आवेदन दिने आज अन्तिम दिन रहेको छ । आईपीओमा आवश्यक मात्रामा आवेदन आइसकेपछि आज बैंकिङ समय पश्चात आवेदन बन्द गरिने बताइएको छ । 

FoneLoan-250x250
Yamaha

कम्पनीले गत मंसिर ३ गतेदेखि आईपीओ बिक्रीमा ल्याएको थियो । यद्यपि कम्पनीले गत २७ गतेदेखि नै आईपीओ बिक्रीमा ल्याउने भनेको थियो । तर, धितोपत्र बोर्डको निर्देशन पछि कम्पनीले निष्काशन मिति परिवर्तन गरेर मंसिर ३ गतेदेखि आईपीओ बिक्री गर्ने भनेको थियो । 

यसअघि कम्पनीले पहिलो चरणमा आयोजना प्रभावित स्थानीयहरुलाई आईपीओ बिक्री गरिसकेको छ । कम्पनीले पहिलो चरणमा कास्की जिल्लाका आयोजना प्रभावित स्थानीय बासिन्दाहरुकाको लागि ४ लाख २० हजार कित्ता आईपीओ बिक्री गरेको थियो ।

अहिले दोस्रो चरणमा सर्वसाधारणलाई ८ लाख ७३ हजार ९१० कित्ता साधारण शेयर निष्काशन गर्न लागिएको हो । 

बिक्री प्रबन्धक ग्लोबल आइएमई क्यापिटल लिमिटेड रहेको कम्पनीको उक्त आइपीओमा सर्वसाधारणले न्युनतम १० कित्तादेखि १० हजार कित्तासम्मको लागि आवेदन दिन सक्नेछन्।

साथै, यस आईपीओलाई केयर रेटिङ्ग नेपालले ‘केयर एनपी डबल बी प्लस (आइएस)’ रेटिङ्ग दिएको छ । यसले कम्पनीको वित्तिय दायित्व मध्यम रुपमा सुरक्षित रहेको संकेत गर्ने बताइएको  छ ।

प्रतिक्रिया दिनुहोस्