काठमाडौं । विश्वभर कोरोना भाईरसको कहरका कारण अब आवासगृहको कमी हुने विज्ञहरुले दावी गरेका छन् । अमेरिकी विज्ञहरुले मंगलबार एक कार्यक्रममा अब सबै देशका सरकारहरुले आफ्ना नागरिकहरुका लागि आवासगृहको व्यवस्था गर्नका लागि दवाब बढेको बताएका हुन् ।
गत महिनामात्रै दक्षिण कोरियाले विभिन्न खाली होटल र अफिसहरु किनेर तिनिहरुलाई १ लाख १४ हजारओटा सार्वजनिक आवासगृहमा परिणत गर्ने प्रतिवद्धता जनाईसकेको छ । यस्तै सिंगापुरले समेत आफ्ना सेन्ट्रल विजनेस डिस्ट्रक (सीबीडी)का कार पार्कहरुलाई आवासगृह, पसल, रेष्टुरेन्ट तथा आन्तरिक फार्ममा परिणत गर्ने बताएको छ ।
रियल स्टेट कन्सल्टेन्सी नाईट फ्र्यांक एशिया प्यासिफिकका अनुसन्धान निर्देशक जस्टिन एंगका अनुसार हाल आवासगृहलगायतको कमीका कारण यस्ता कैयौं राष्ट्रहरुले विभिन्न खाली स्थानहरुलाई भवनका रुपमा परिणत गरिरहेका छन् । उनका अनुसार उक्त ट्रेन्ड कोरोनाको महामारी कालमा चलिरहेको थियो तर हाल यस्तो प्रवृद्धिमा झन वृद्धि भएको पाईएको छ ।
हाल कोरोना भाईरसका कारण हिंडडुलमा लगाईएको प्रतिवन्धका कारण विकासकर्ताहरु आफ्ना अफिसमा कम मात्रामा कर्मचारीहरु राखेर यस्तो कामका लागि प्रतिश्पर्धा गरिरहेका छन् ।
सिंगापुरमा गत अक्टोबरमा गरिएको एक अनुसन्धानअनुसार कार्यालयमा काम गर्ने १० जनामध्ये ८ जना कर्मचारीहरुले आफु घरमै बसेर काम गर्न सकिने बताएका छन् । जसअनुसार केही समयमा कार पार्किङ र अफिसहरु खाली हुने अवस्थाको सिर्जना हुनेछ । अर्थात अफिसमा मानिसहरु कम आएपछि अफिसहरु साँघुर्याउनु पर्ने देखिन्छ । तर कार्यालयहरुलाई साघुर्याई होटल अर्थात आवास गृहमा परिणत गर्नु उचित हुने विज्ञहरु बताउँछन् ।
तर कर्पाेरेट भवनहरुलाई आवास गृह वा होटलको रुपमा परिणत गर्न सकिए राष्ट्रले विभिन्न आम्दानीसमेत गर्न सक्ने विज्ञहरु बताउाछन् । अबका दिनमा मानिसहरु अफिस नआई घरमै बसेर काम गर्ने ट्रेन्ड चलेको खण्डमा प्राय कर्पाेरेट क्षेत्रहरु आवास क्षेत्रको रुपमा परिणत गरिनुपर्ने बताईन्छ ।
कमर्शियल क्षेत्रहरुलाई आवासिय क्षेत्रको रुपमा परिणत गर्ने ट्रेन्ड हालैको नभई पुरानै भएको विज्ञहरु दावी गर्छन । सन १९९० को दशकमा अमेरिकाको न्युयोर्क सिटीले यस्तो कार्यका लागि करमा केही हदसम्म कटौतिसमेत गरेको थियो । विफोरमबाट अनुवादित
