GBIME

आईपीओ जारी प्रक्रियामा रहेको नर्भिकको पहिलो साधारणसभा, लगानीकर्तालाई ५० प्रतिशत बोनस सेयर


बिजखबर संवाददाता
12 January, 2022 2:35 pm

norvic 1st agm

काठमाडौं । नर्भिक इन्टरनेशनल हस्पिटल पब्लिक लिमिटेड कम्पनीमा रुपान्तरण भएपछि पहिलो वार्षिक साधारणसभा सम्पन्न भएको छ । सर्वसाधारणलाई सेयर जारी प्रक्रियामा रहेको नर्भिकले साधारणसभामार्फत आफ्नो लगानीकर्तालाई ५० प्रतिशत बोनस सेयर वितरणको प्रस्ताव पारित गरेको छ ।

NLIC
LAXMI

नर्भिक अस्पतालले आर्थिक वर्ष २०७७-७८ को खूद नाफाबाट सेयरधनीलाई ५० प्रतिशतले हुन आउने बोनस सेयर वितरणको प्रस्ताव पारित गरेको हो । नर्भिक अस्पतालको हालको चुक्तापूँजी १५ करोड रुपैयाँ रहेको छ । ५० प्रतिशत बोनस सेयर वितरणपछि चुक्तापूँजी बढेर २२ करोड ५० लाख रुपैयाँ पुग्नेछ ।

यस्तै, साधारणसभाले ३० करोड रहेको अधिकृत पुँजीलाई बढाएर १ अर्ब पुर्याउने प्रस्ताव समेत पारित गरेको छ । नर्भिक अस्पतालले आर्थिक वर्ष २०७७-७८ मा ८ करोड ५६ लाख खूद मुनाफा आर्जन गरेको थियो । सोही मुनाफाबाट ५० प्रतिशत बोनस सेयर र कर प्रयोजनका लागि आवश्यक नगद लाभांश समेत वितरण गर्ने भएको हो ।

आज थापाथलीस्थित बिएलसी विल्डिङमा सम्पन्न वार्षिक साधारणसभामा संचालक समितिका अध्यक्ष राजेन्द्रबहादुर सिंहले संचालक समितिको वार्षिक प्रतिवेदन प्रस्तुत गरेका थिए । सो क्रममा अध्यक्ष सिंहले कोरोना भाइरस महामारीको बेला समेत अस्पतालले सन्तोषजनक प्रगति गरेको जानकारी दिएका थिए । महामारीको समयमा जनमानसप्रति सर्वसुलभ स्वास्थ्य सेवा उपलब्ध गराइएकोे र नर्भिकले सामाजिक उत्तरदायीत्वअन्तर्गत पनि प्रभावकारी कार्यक्रमहरु गरेको उनले जाकारी दिएका थिए ।

उनले अस्पतालमा हालै आइभिएफ सेन्टर संचालनमा आएको, निकट भविष्यमै अन्तर्राष्ट्रिय स्तरको स्किन सेन्टर स्थापनाको तयारी भइरहेको, हस्पिटल व्यवस्थापनका लागि आधुनिक सफ्टवेयर निर्माण गरी प्रयोगमा ल्याइने, अस्पतालका सेवालाई आधुनिकीकरण गर्दै लैजाने, हस्पिटल सेवा विस्तारका लागि नयाँ भवन निर्माण प्रक्रिया अगाडि बढाउने र सर्वसाधारणका लागि सेयर निश्कासनको प्रक्रिया अगाडि बढाइने कार्ययोजना प्रस्तुत गरेका थिए ।

कार्यक्रममा नर्भिकका संस्थापक अध्यक्ष तथा संरक्षक बसन्तकुमार चौधरी, प्रबन्ध निर्देशक मेगा चौधरी, प्रमुख कार्यकारी अधिकृत अजयकुमार मिश्र तथा संचालक र सेयरधनीको सहभागिता रहेको थियो ।

प्रतिक्रिया दिनुहोस्

CIVIL
NCHL