काठमाडौं । नेपाल टेलिकमले पाल्पा जिल्लाका दशवटै स्थानीय तहमा आफ्नो आधुनिक सेवा फोरजी पुर्याएको छ ।
फोरजी नेटवर्क कभरेजसँगै जिल्लाको समग्र स्थानीय तहमा प्राविधिक विकासका साथै शिक्षा, स्वास्थ्य, कृषिलगायतका क्षेत्रमा योगदान पुग्ने अपेक्षा गरिएको छ ।
नेपाल टेलिकम दूर सञ्चार कार्यालय पाल्पाका प्रमुख ढाकाराम पौड्यालका अनुसार पाल्पाको सबै स्थानीय तहमा उपकरण जडान कार्य सम्पन्न भई सेवा सञ्चालनमा आइसकेको जानकारी दिए ।
कार्यालयका इन्जिनियर विशाल भण्डारीका अनुसार फोरजी कभरेज नभएका केही नयाँ स्थानमा पनि फोरजी विस्तारका लागि सर्भे तथा जडानको काम भइरहेको छ ।
