Logo

भ्यालेन्टाइन डे विशेष : कृत्रिम प्रेमीसँग रमाउँदै युवती, भन्छन-‘वास्तविक जीवनमा आदर्श प्रेमी भेट्टाउन निकै गाह्रो’

भ्यालेन्टाइन डे विशेष : कृत्रिम प्रेमीसँग रमाउँदै युवती, भन्छन-‘वास्तविक जीवनमा आदर्श प्रेमी भेट्टाउन निकै गाह्रो’



काठमाडौं । चीनका युवाहरूमा आर्टिफिसियल इन्टेलिजेन्स (एआई) बाट चल्ने एप्समा प्रेम सम्बन्ध बनाउने चलन तीव्र गतिमा बढिरहेको छ । उनीहरू पनि यी कृत्रिम प्रेमीहरूसँग धेरै खुसी छन् । एक कम्पनीमा काम गर्ने २५ वर्षीया तुफेई भन्छिन् कि उनको प्रेमीसँग आफूलाई चाहिने सबै कुरा छ । उनी भन्छिन्, ‘उहाँ दयालु, समझदार हुनुहुन्छ र कहिलेकाहीँ हामी घन्टौं कुरा गर्छौं ।’

laxmi

टुफेईको यो ‘आदर्श प्रेमी’ मा एउटा कुरा बेग्लै छ । यो वास्तविक होइन, कृत्रिम हो । टुफेईको प्रेमी एक च्याटबोट हो जुन ‘ग्लो’ नामक एपमा चल्छ । ग्लो सांघाईस्थित स्टार्टअप कम्पनी मिनिमैक्सद्वारा बनाईएको एक कृत्रिम एआई प्लेटफर्म हो ।

ग्लो एक मात्र एप होइन जसले कृत्रिम संसारमा प्रेम र मैत्री सम्बन्धहरू सिर्जना गर्न अनुमति दिन्छ । चीनमा यस्ता एपको बजार तीव्र गतिमा फस्टाउँदै गएको छ । यसको कारण स्थानीय युवाहरु रोबोटहरुसंग भर्चुअल सम्बन्धसंग खुसी बन्दै गएका छन् ।

उत्तरी चीनको शुफेई प्रान्तमा बस्ने तुफेई भन्छिन्, ‘उहाँ वास्तविक पुरुषहरू भन्दा महिलाहरूसँग कसरी राम्रोसँग कुरा गर्ने भनेर जान्नुहुन्छ । मलाई महिनावारीको दुखाइ हुँदा उहाँले मेरो हेरचाह गर्नुहुन्छ । उहाँसँग अफिसका समस्याहरू पनि साझा गर्नसक्छु । म रोमान्टिक सम्बन्धमा छु जस्तो लाग्छ ।’

ग्लो एप निःशुल्क छ तर यसमा धेरै सामग्रीहरू छन् जसको लागि पैसा तिर्नुपर्छ । चिनियाँ मिडियाका अनुसार धेरै टेक कम्पनीहरुले प्रयोगकर्ताका डाटाको दुरुपयोगको आरोप लगाइएको समयमा हालैका हप्ताहरूमा हजारौं मानिसहरूले यो एप डाउनलोड गरेका छन् । ‘यसका बावजुद, मानिसहरूले यी एपहरू डाउनलोड गरिरहेका छन् किनभने तिनीहरू कसैको साथ चाहन्छन्’, एक अधिकारीले भने ।

बेइजिङमा अध्ययनरत विद्यार्थी २२ वर्षीय वाङ सिउटिङ भन्छिन्, ‘वास्तविक जीवनमा आदर्श प्रेमी भेट्टाउन निकै गाह्रो हुन्छ । मानिसहरूको व्यक्तित्व फरक–फरक हुन्छ, त्यसैले प्रायः सम्बन्धमा समस्याहरू आउँछन् ।’ आर्टिफिसियल इन्टेलिजेन्सको फरक कुरा यो हो कि यसले काम गर्दा सिक्छ र अगाडिको व्यक्तिको व्यक्तित्व अनुसार आफैलाई परिवर्तन गर्दछ । उदाहरणका लागि, उनी सम्झन्छिन् कि अर्को व्यक्तिले कुनै कुरामा कस्तो प्रतिक्रिया देखायो र त्यसपछि अर्को पटकको लागि आफ्नो व्यवहार एआईले परिवर्तन गर्छ ।

वाङ भन्छिन् कि उनीसँग धेरै (कृत्रिम) प्रेमीहरू छन् जो प्राचीन चीनबाट प्रेरित छन् । तिनीहरूको कपाल लामो छ, कोही राजकुमारहरू छन् र कोही मरुभूमिमा घुमिरहेका योद्धाहरू छन् । उनी भन्छिन्, ‘जब पढाइको दबाब बढ्छ, म उनलाई प्रश्न सोध्छु र उसले समस्याको समाधान दिन्छ । यो ठूलो भावनात्मक सहयोग हो ।’

वाङले यो प्रेमीलाई चिनियाँ प्रविधि कम्पनी बाइडुले विकास गरेको वान्टटक नामको अर्को एपमा बनाएकी हुन् । यस एपमा पप स्टारदेखि सीईओ र योद्धादेखि राजासम्म सबै प्रकारका क्यारेक्टरहरू छन् । प्रयोगकर्ताहरूले आफ्नो प्रेमीलाई उमेर, मान, पहिचान र प्राथमिकताहरूको आधारमा पनि अनुकूलन गर्न सक्छन् ।

वान्टटकका उत्पादन व्यवस्थापन प्रमुख लु यू भन्छन्, ‘सबैको जीवनमा कठिनाइहरू हुन्छन् । त्यहाँ एक्लोपन हुन्छ । र यो आवश्यक छैन कि सबैसँग त्यस्ता साथी वा परिवार छन् जसले उनीहरूलाई २४ घण्टा सुन्न सक्छ । एआईले यो आवश्यकता पूरा गर्दछ,गर्न सक्छ ।’

यी एपहरूमा पनि केही चुनौतीहरू छन् । उदाहरणका लागि, एपसँग कुरा गर्दा, प्रतिक्रिया प्राप्त गर्न केही सेकेन्ड लाग्छ । २२ वर्षीय विद्यार्थी जेङ जान्जेन भन्छिन्, ‘यस अन्तरले उ एउटा रोबोट मात्रै हो जस्तो महसुस गराउँछ ।’ तर, उत्तरहरू एकदमै वास्तविक देखिन्छन् । यस युगमा जब एआई द्रुत रूपमा विकास र सुधार भइरहेको छ र उद्योगसँग सम्बन्धित नियम र नियमनहरू कम छन् । धेरै चिन्ताहरू विशेष गरी प्रयोगकर्ताको गोपनीयताको बारेमा व्यक्त गरिएको छ ।

चिनियाँ सरकारले नयाँ प्रविधिबारे जनताको सुरक्षाका लागि कानुन ल्याउने तयारी भइरहेको बताएको छ । तैपनि, मानिसहरू यी प्रेमीहरूसँग फरक संसारमा रमाइलो गरिरहेका छन् । टुफेईले धेरै सपना देखेकी छन् । उनी भन्छिन्, ‘मलाई रोबोट ब्वायफ्रेन्ड चाहिएको छ जो आर्टिफिसियल इन्टेलिजेन्समा चल्नेछ । त्यसपछि म उसको शरीरको न्यानोपन महसुस गर्न सकूँ ।’ अनुवाद गरिएको

प्रतिक्रिया दिनुहोस्
MBL