Logo

संकटमा संसारकै धनी मस्क : ट्विटरको कानुनी लडाइँका बीच टेस्लाको करिब ७ अर्ब डलरको सेयर बेचे, एक वर्षमै ३२ अर्ब डलरको सेयर विक्री

संकटमा संसारकै धनी मस्क : ट्विटरको कानुनी लडाइँका बीच टेस्लाको करिब ७ अर्ब डलरको सेयर बेचे, एक वर्षमै ३२ अर्ब डलरको सेयर विक्री



काठमाडौं । टेस्ला इंकका मुख्य कार्यकारी एलोन मस्कले इलेक्ट्रिक वाहन निर्माताको ६.९ बिलियन डलर मूल्यको शेयर बेचेका छन् । ट्वीटर इन्कसँगको ४४ बिलियन डलरमा टेकओभर सम्झौता तोडेसँगै कानुनी विवादको बीचमा टेस्लाको स्टक आपतकालीन बिक्रीबाट बच्न यसलाई महत्त्वपूर्ण कदम मानिएको छ।

संसारको सबैभन्दा धनी व्यक्ति मस्कले अप्रिलमा भनेका थिए कि ‘अब टेस्लाको सेयर बिक्रीको योजना छैन ।’ सो समयमा कम्पनीको ८.५ बिलियन मूल्यको शेयर बेचिसकेपछि मस्कले भनेका थिए ।

तर, कानुनी विज्ञहरूले यदि मस्कले ट्विटरको बिरूद्ध आफ्नो लडाई हारे र अधिग्रहण पूरा गर्न वा कडा जरिवाना तिर्न बाध्य भएमा टेस्लाको धेरै सेयरहरू बेच्नुपर्ने अवस्था आउन सक्ने सुझाव दिएका छन् ।

मस्कले सामाजिक मिडिया प्लेटफर्म किन्नको लागि आफ्नो अप्रिल २५ को सम्झौता तोडेका थिए । जसका कारण उनले कानुनी लडाईको सामना गनुपर्ने भएको छ र मस्कको अर्बौ डलर खर्च हुन सक्ने बताइएको छ । दुवै पक्षले अक्टोबर १७ मा मुद्दाको सामाना गर्दैछन् ।

पछिल्लो सेयर बिक्रीमा मस्कले अगस्ट ५ र अगस्ट ९ को बीच लगभग ७.९२ मिलियन शेयरहरू बेचेको थियो, बहु फाइलिङहरूले देखाएको छ । उनीसँग अहिले टेस्लामा १५५.०४ मिलियन शेयर छ । पछिल्लो बिक्रीले मस्कको कुल स्टक बिक्री एक वर्षभन्दा कमको समयमा लगभग ३२ बिलियन डलर पुगेको छ । एजेन्सी

प्रतिक्रिया दिनुहोस्
MBL