काठमाडौं । बेलायतका सबैभन्दा धनी व्यक्तिहरूमध्ये एक, अर्बपति जोन फ्रेड्रिक्सनले अचम्मलाग्दो निर्णय गरेका छन् । उनी आफ्नो विलासी लन्डन घर बेच्दैछन् । उनले भनेका छन् कि बेलायत ‘नर्क बनेको छ’ । फ्रेड्रिक्सनले जहाजको ठूलो व्यापार गर्छन् । उनी बेलायतका नवौं धनी व्यक्ति हुन् । अब उनी दुबईमा बस्नेछन् ।

उनको घर ‘द ओल्ड रेक्टरी’ को नामले चिनिन्छ । यो ३०० वर्ष पुरानो हो । यसको मूल्य लगभग ४३३७ मिलियन (लगभग साढे ४६ अर्ब नेपाली रुपैयाँ) छ । यसले यसलाई बेलायतको सबैभन्दा महँगो निजी निवासहरू मध्ये एक बनाउँछ । यो घर ३०,००० वर्ग फिटमा फैलिएको छ । यसमा १० शयनकक्ष, दुई एकड ठूलो बगैंचा र एक भव्य बलरूम पनि छ । यो बकिंघम प्यालेस पछि बेलायतको तेस्रो ठूलो निजी घर हो ।

८१ वर्षीय फ्रेड्रिक्सनसँग पहिले नर्वे र पछि साइप्रसको नागरिकता थियो । उनले २००१ मा यो सम्पत्ति किनेका थिए । त्यसबेलादेखि यो बेलायतमा उनको मुख्य निवास थियो । तर, अब उनले युएई सर्ने निर्णय गरेका छन् । एक र्वेजियन आउटलेटसँग कुरा गर्दै फ्रेडरिक्सनले भने ‘बेलायत नर्क’ बनेको छ । यसले मलाई नर्वेको सम्झना दिलाउँछ । म सकेसम्म नर्वेबाट बच्न खोज्छु ।’

बेलायतमा आर्थिक परिवर्तनपछिको निर्णय

चान्सलर राहेल रिभ्सले हालै गरेका आर्थिक परिवर्तनहरूको आलोचना पछि फ्रेडरिक्सनको यो निर्णय आएको हो । विशेष गरी, उनी गैर–आवासीय कर प्रणाली खारेज गर्ने निर्णयबाट दुखी छन् । यस प्रणाली अन्तर्गत, धनी व्यक्तिहरूले विदेशबाट आएको आम्दानीमा बेलायतमा कर तिर्नबाट बच्न सक्षम थिए । फ्रेडरिक्सनले अब आफ्ना धेरै व्यवसायहरू युएईमा सारेका छन् । ‘द टाइम्स’ मा प्रकाशित एक रिपोर्ट अनुसार, फ्रेड्रिक्सनले पहिले नै आफ्ना एक दर्जनभन्दा बढी घरेलु कर्मचारीहरूलाई बर्खास्त गरिसकेका छन् र आफ्नो सम्पत्ति बेच्न प्राइभेट एजेन्टको व्यवस्था गरिरहेका छन् । यो बिक्री ‘अफ–मार्केट’ च्यानलहरू मार्फत हुने अपेक्षा गरिएको छ ताकि यो सार्वजनिक रूपमा सूचीबद्ध नहोस् ।

बेलायत छोड्ने ट्रेन्ड

फ्रेड्रिक्सनले बेलायत छोड्नु एउटा ठूलो प्रवृत्ति (ट्रेन्ड) को अंश हो । बेलायतमा आफ्नो सम्पत्तिमा करसम्बन्धी परिवर्तन भएका नियमहरूका कारण धेरै धनी व्यक्तिहरूले देश छोड्ने विचार गरिरहेका छन् । सरकारले विदेशका बेलायतमा बस्ने धनीहरूलाई दिइने कर छुट खारेज गरेको छ, जसका कारण धेरै मानिसहरू बेलायत छोड्न बाध्य भइरहेका छन् ।

गैर–आवासीय कर प्रणाली एउटा नियम थियो जसअन्तर्गत बेलायतमा बस्ने तर उनीहरूको स्थायी घर अर्को देशमा हुने मानिसहरूले आफ्नो विदेशी आयमा बेलायतमा कर तिर्नु पर्दैनथ्यो । तर अब सरकारले यो नियम खारेज गरेको छ । यसका कारण धनी व्यक्तिहरूले बेलायतमा कर तिर्नुपर्नेछ ।

फ्रेड्रिक्सन जस्ता धेरै धनी व्यक्तिहरू विश्वास गर्छन् कि अब बेलायतमा व्यापार गर्न गाह्रो भएको छ । त्यसैले, तिनीहरू युएई जस्ता देशहरूमा जाँदैछन्, जहाँ करका नियमहरू सजिलो छन् । यसले बेलायतको अर्थतन्त्रमा नराम्रो प्रभाव पार्न सक्छ । कारण यो हो कि धनी व्यक्तिहरूले आफ्नो पैसा र व्यवसाय पनि आफूसँगै लैजाँदैछन् ।