काठमाडौँ । सरकारले कोरोनाबाट मृत्यु हुनेको संख्या सच्याएको छ । स्वास्थ्य मन्त्रलायका प्रवक्ता डा। जागेश्वर गौतमले कोरोनाबाट मृत्यु हुनेको अपडेट गरिएको जानकारी दिदै अहिलेसम्म मृत्यु हुनेको संख्या २६ सय ८४ पुगेको छ ।
प्रवक्ता गौतमका अनुसार मन्त्रालयले गठन गरेको अध्ययन समितीले कोरोनाबाट मृत्यु हुनेको संख्या ६१८ जना थप भएका हुन् ।
यसअघि मन्त्रालयले कोरोनाबाट २०६६ जनाको मृत्यु भएको बताएको थियो ।
घरमा मृत्यु भएकाहरुको शव व्यवस्थापन गरिएको आधारमा कोरोनाबाट मृत्यु हुनेको संख्या अपडेट गरिएको उनले बताए ।
यससँगै नेपालमा अहिलेसम्म कोरोनाबाट मृत्यु हुने डर ० दशमलव ९८ पुगेको छ ।
अहिलेसम्म नेपालमा कोरोनाबाट २ लाख ७३ हजार ७६० संक्रमित भएका छन् भने २ लाख ७० हजार १३९ जना संक्रमण मुक्त रहेका छन् ।
