काठमाडौं । राहदानी विभागले सिस्टममा समस्या भएको भन्दै राहदानी वितरण तत्कालका लागि स्थगित गरेको छ । विभागले मंगलबार एक सूचना जारी गर्दै सिस्टमको समस्या आएका कारण पासपोर्ट वितरण र अनलाईन आवेदन लिने कार्यसमेत स्थगित गरिएको बताएको हो ।
सो समस्या समाधानका लागि निरन्तर काम गरिरहेको र सिस्टम पूर्ण रुपमा सञ्चालन हुन केही समय लाग्ने सूचनामा उल्लेख छ ।
तर राहदानी आवेदनका लागि अप्वाइन्टमेन्ट डेट बुक गरेका सेवाग्राहीको बुक गरेको मितिमा बायोमेट्रिक भने संकलन हुने विभागको भनाइ छ। यता सरकारले विभागमा देखिएको लाइन व्यवस्थापन गर्न निर्देशन दिएको छ।
