GBIME

बजार घटेपनि सेयर मार्केटमा आकर्षण कायमै, एक बर्षमा ‘मेरो सेयर’ प्रयोगकर्ता मात्रै १५ लाख थपिए


मदनराज पन्त
28 July, 2022 8:24 am

DEMAT-and-Meroshare-account

काठमाडौं । नेपालमा पछिल्लो एक वर्षको तथ्यांक केलाउने हो भने सेयर मार्केटमा ठूलो अंकको गिरावट आएको छ । जसमार्फत लगानीकर्ताले खर्बौ रुपैयाँ लगानी गुमाउनुपरेको छ । बजार घटेपनि सेयर बजारमा सर्वसाधारणको आकर्षण भने थप बढ्दै गएको देखिन्छ ।

NLIC
Lamxi_bank

केहि बर्ष पहिले कागजी रुपमा रहेको सेयरको कारोवार हाल आएर डिजिटल भएको छ । सेयर कारोवार डिजिटल भए संगै यसका प्रयोगकर्ता थपिदै छन भने प्रयोगकर्तामा सहजता पनि भएको छ । पछिल्लो समय आईपीओ भर्न सर्वसाधारणको संख्या बढेसँगै पछिल्लो एकबर्षमा मेरो सेयर प्रयोगकर्ता १५ लाख ४५ हजारले थपिएका छन् ।

गत बर्ष यही समयमा मेरो सेयर प्रयोगकर्ताको संख्या २८ लाख ५५ हजार रहेकोमा अहिले उक्त संख्या ४४ लाख पुगेको छ । सिडिएस एण्ड क्लियरिङ लिमिटेडका अनुसार पछिल्लो एक बर्षमा हितग्राही खाता (डि म्याट) प्रयोगकर्ताको संख्या १५ लाख ११ हजारले थपिएका छन । गत बर्ष यहि अवधिमा ३७ लाख ८९ हजार डि म्याट खाता रहेकोमा अहिले उक्त खंख्या ५३ लाख पुगेको छ ।

डि म्याट खाता नभई सेयर आवेदन दिन नसकिने भएकाले सेयर आवेदन दिनकै लागि पनि डि म्याट खाता प्रयोगकर्ताको संख्या बढेको छ । यस्तै मेरो सेयर प्रयोग नगर्दा बैंकमा लाईन बसेर फारम भरेर सेयर आवेदन दिनुपर्ने हुन्छ । मेरो सेयर प्रयोग गर्दै घर वा आफु बसेको ठाँउबाटै सेयर आवेदन गर्न सकिने भएकाले मेरो सेयर प्रयोगकर्ताको संख्या बढेको छ । प्रविधिको विकास र प्रयोगमा सहजता भएसंगै अहिले अफ्नै मोवाईल र कम्प्युटरको प्रयोग गर्दै घरमै बसेर मेरो सेयरद्धारा आइपीओे आवेदन गर्ने गरेका छन ।

पछिल्लो समय नेपाल स्टक एक्सचेन्ज (नेप्से) परिसूचक घट्दा सामान्यतया सेयर बजारप्रति लगानीकर्ताले चिन्ता व्यक्त गर्ने गरेका छन । यद्यपि मेरो सेयर र डिम्याट प्रयोगकर्तामा भइरहेको बृद्धिले आईपीओमा सर्बसाधारणको रुचि बढ्दो रहेको पाईन्छ । बजारमा खुल्ने आईपीओ मध्ये पनि लघुवित्तको आईपीओमा सर्वसाधारण लगानी गर्न उत्साहित देखिने गरेका छन् ।

यसअघि खुलेर कारोवारमा अब्बल ठहरिएका महिला लघुवित्त र जीवन विकास लघुवित्त पछि त सर्वसाधारणको लघुवित्तको आईपीओ प्रती आर्कषण झन बढेको छ । जसको पछिल्लो प्रमाणका रुपमा नेस्डो लघुवित्तको आईपीओमा परेको आवेदनलाई लिन सकिन्छ । नेस्डोको आईपीओमा मागको झण्डै ४० गुणा बढी आवेदन परेको थियो ।

प्रतिक्रिया दिनुहोस्

CIVIL
NCHL