काठमाडौं । सरकारले देशभरमा श्रम तथा रोजगार कार्यालयमार्फत श्रम स्वीकृति प्रदान गर्ने भएको छ । यसअघि काठमाडौबाट मात्रै वैदेशिक रोजगारीमा जाने कामदारलाई श्रम स्वीकृति दिँदै आएकोमा सरकारले त्यसलाई अनलाईनमार्फत देशभरबाटै प्रदान गर्ने व्यवस्था गरेको हो ।
यसअघि वैदेशिक रोजगारीलाई वेवास्ता गर्दै आएको सरकारले देशमा भित्र्ने रेमिटान्स घट्दा भुक्तानी सन्तुलनमै असर परेपछि उच्च प्राथमिकता दिएको हो । सोही अनुरुप सरकारले नेपालीका लागि वैदेशिक रोजगारीका लागि उपयुक्त श्रम बजारको समेत खोजी गर्ने भएको छ ।
