GBIME

डेढ अर्ब उठाएर भाग्ने अग्रवालको विस्तृत विवरण दिन बैंकलाई राष्ट्र बैंकको निर्देशन, मुचुल्का उठाउन सीईओको दौडधुप


बिजखबर संवाददाता
13 January, 2022 9:11 am

Greenline_amit_abhishek_agrawal

काठमाडौं । नेपाल राष्ट्र बैंकले नेपाली बैंकसँग ऋण लिएर भागेका ग्रीनलाईन सेन्टरका संचालक अमित अग्रवाल र अभिषेक अग्रवालको विस्तृत विवरण उपलब्ध गराउन सम्बन्धित बैंकलाई निर्देशन दिएको छ । दाजुभाईद्वय अग्रवालले ५ वाणिज्य बैंकबाट १ अर्ब रुपैयाँभन्दा बढी रकम उठाएर भागेको समाचार प्रकाशित भएपछि राष्ट्र बैंकले उनीहरुले लिएको ऋणको विस्तृत विवरण उपलब्ध गराउन निर्देशन दिएको हो ।

Laxmi
NABIL
Yamaha

सम्बद्ध बैंकहरुका अनुसार उनीहरुलाई इन्भेष्टमेन्ट बैंकले सबैभन्दा बढी कर्जा दिएको बुझिएको छ । इन्भभेष्टमेन्टले अग्रवाललाई २५ करोड रुपैयाँभन्दा बढी कर्जा दिंदा मेगा बैंकले २५ करोड, एभरेष्ट बैंकले २२ करोड, ग्लोबल आईएमई बैंकले १९ करोड रुपैयाँ कर्जा दिएको बुझिएको छ । यसैगरी नेपाल बंगलादेश बैंकले पनि उनीहरुलाई कर्जा दिएको सम्बद्ध स्रोतले जानकारी दिएको छ । तर बैंकहरुले उनीहरुलाई एकिन रुपमा के कति कर्जा दिएको छन् भने विस्तृतमा जानकारी आईसकेको छैन ।

यता बैंकहरुले पनि अग्रवाल दाजुभाईलाई के-कति कर्जा दिएको हो भन्ने विषयमा खुलाउन चाहेका छैनन् । बैंकहरुले धितोको आधारमा भन्दा पनि व्यवसाय र स्टकको आधारमा प्लेज अर्थात हाईपोजेटिकल कर्जा दिएका कारण समस्यामा पर्न सक्ने सम्बद्ध स्रोतको भनाई रहेको छ ।

sarbottam

अग्रवाल दाजुभाई भागेसँगै बैंकका प्रमुख कार्यकारी अधिकृत तथा उच्च व्यवस्थापकहरु उनीहरुको सम्पत्ति खोजी गर्दै मुचुल्का उठाउँदै हिडेका छन् । सोहीक्रममा मंगलबार ग्लोबल आईएमई, एभरेष्ट र मेगा बैंकले मुचुल्का उठाएका थिए । अग्रवालहरुको स्टोर्सहरुमा पुगेर सुचना टास गरेको इन्भेष्टमेन्ट बैंकले पनि मुचुल्का उठाइसकेको बुझिएको छ ।

अग्रवाल दाजुभाईले ज्ञानेश्वरमा १७ आना जग्गामा बनेको घर, सोही स्थानको १७ आना जग्गा, कालीमाटीको घर, विभिन्न स्थानमा रहेका अपार्टमेन्टको फ्ल्याट, रामकोटको ४० आनाभन्दा बढी जग्गा धितो राखेर कर्जा लिएको बुझिएको छ । तर उनीहरुले उक्त धितोको आधारमा मल्टिपल कर्जा लिएका कारण कुनै पनि धितो एउटै बैंकले लिलाम गर्न सक्ने अवस्था नरहेको सम्बद्ध स्रोतको भनाई रहेको छ ।

अग्रवाल दाजुभाई नेपालबाट भागेसँगै सहकारी, मिटरब्याजी र उनीहरुको जग्गा खरिदका लागि बैना दिएका व्यक्तिहरु पनि सम्पर्कमा आउन थालेका छन् । उनीहरु करिव आधादर्जन सहकारीमार्फत विना धितो करोडौ रकम ऋण लिएको बुझिएको छ भने मिटरब्याजीसँग पनि करिव ५० करोड रुपैयाँ हाराहारीमा उठाएको उनीहरु निकट स्रोतले जानकारी दिएको छ ।

यसैगरी उनीहरुले ठगी गर्ने नियतले बैंकमा धितोमा रहेको घर र जग्गा फुकुवा गरेर सस्तोमा दिन्छु भन्दै एउटै घर वा जग्गा देखाएका ३।४ जनासँग बैंना लिएको बुझिएको छ । त्यसरी उनीहरुले करिव १ दर्नन व्यक्तिसँग करोडभन्दा माथिका दरले घर तथा जग्गाको बैना उठाएको उक्त स्रोतले जानकारी दिएको छ ।

प्रतिक्रिया दिनुहोस्

NTC
MBL