काठमाडठौं । भारत विश्वको चौथो ठूलो शेयर बजार बनेको छ । हङकङलाई हराउँदै भारत पहिलो पटक शीर्ष चारमा पुगेको छ । भारतीय एक्सचेन्जहरूमा सूचीबद्ध शेयरहरूको संयुक्त मूल्य ४.३३ ट्रिलियन डलर पुगेको छ, जबकि हङकङ स्टक बजारको मूल्य ४.२९ ट्रिलियन डलरमा झरेको छ ।
यसरी भारत विश्वको चौथो ठूलो इक्विटी बजार बनेको छ । भारतीय शेयर बजारले डिसेम्बर ५ मा पहिलो पटक चार ट्रिलियन डलर नाघेको थियो । त्यसमध्ये विगत चार वर्षमा भारतमा करिब दुई खर्ब डलर थपिएको छ । भारत विश्वको सबैभन्दा छिटो बढिरहेको ठूलो अर्थतन्त्र हो ।
यसबाहेक, आर्थिक सुधारहरूले पनि भारतलाई विश्वभरका लगानीकर्ताहरूको आकर्षक गन्तब्य बनाएको छ । हाल अमेरिका विश्वको सबैभन्दा ठूलो शेयर बजार हो जसको मूल्य ५०.८६ ट्रिलियन डलर छ । चीन ८.४४ ट्रिलियन डलरको साथ दोस्रो स्थानमा र ६.३६ ट्रिलियन डलरसहित जापान तेस्रो स्थानमा छ ।
गत वर्ष भारतीय सेयर बजारमा निकै वृद्धि भएको थियो । विश्वभरका केन्द्रीय बैंकहरूले यो वर्ष ब्याजदर घटाउने विज्ञहरू बताउँछन् । यसले लगानीकर्ताको विश्वास बढ्नेछ र भारतीय शेयर बजार बढ्नेछ । लगानीकर्ताहरु फ्रेबुअरी १ मा प्रस्तुत हुने अन्तरिम बजेटको घोषणाको पर्खाइमा छन् ।
भर्खरै भएको विधानसभा चुनावमा भाजपाको जितले पनि लगानीकर्ताको आत्मविश्वास बढेको छ । यदि बीजेपी नेतृत्वको एनडीएले लगातार तेस्रोपटक आम चुनाव जित्यो भने यसले भारतको अर्थतन्त्रलाई अझ बढावा दिने अपेक्षा छ । गत वर्ष लगातार आठौं वर्ष भारतीय शेयर बजार बढेको छ । अर्कोतर्फ हङकङको ह्याङ सेङ लगातार चौथो वर्ष ओरालो लागेको छ भने चीनको सांघाई स्टक एक्सचेन्ज पनि लगातार दोस्रो वर्ष घटेको छ ।
