काठमाडौं । सेयर कारोबार बुधबार असोज १ गतेदेखि सञ्चालनमा ल्याउने तयारी भएको छ । नेपाल धितोपत्र बोर्ड र नेपाल स्टक एक्सचेन्ज (नेप्से) स्रोतका अनुसार असोज १ गतेदेखि नै सेयर कारोबार खुला गर्ने तयारी गरिएको हो । स्रोतले भन्यो, ‘बुधबारदेखि सेयर कारोबार सञ्चालन गर्ने बारेमा छलफल भएको छ । तथापि, यसबारेमा हालसम्म कुनै निर्णय भने भईसकेको छैन ।’ संभवतः भोलि यसबारेमा निर्णय हुने बताईएको छ ।
यसअघि असोज २ गतेसम्म कारोबार बन्द गर्ने भनी नेप्सेले सूचना जारी थियो । अब बुधबारदेखि कारोबार सञ्चालनमा ल्याउने तयारी भएको हो । भदौ २३ र २४ गते राजधानी काठमाडौंसहित देशका शहरहरुमा जेनजी प्रदर्शनका नाममा भएको विध्वंशपछि २४ गतेदेखि बजार बन्द गरिएको थियो ।
