GBIME

१ लाख १५ हजार म्यादी प्रहरीका लागि आवेदन माग,१८ देखि ५४ बर्षसम्मकाले आवेदन दिन पाउने


बिजखबर संवाददाता
11 September, 2022 9:18 am

निर्वाचनमा नेपाल प्रहरीलाई झण्डै ८ अर्ब बजेट, १ लाख १५ हजार म्यादीले पाउँदैछन् ५ अर्ब ८६ करोड

काठमाडौं। आगामी मंसिरमा हुने प्रतिनिधि सभा चुनावका लागि नेपाल प्रहरी प्रधान कार्यालयले म्यादी प्रहरी भर्ना आवेदन माग गरेको छ । प्रहरी प्रधान कार्यालयले आईतबार एक सूचना जारी गर्दै १ लाख १५ हजार म्यादी प्रहरीका लागि आवेदन खुलाएको हो ।
सूचना अनुसार १८ वर्ष पुरा भई ५४ वर्ष ननाघेका नेपाली नागरिकले म्यादी प्रहरीमा जागिरका लागि आवेदन दिन सक्नेछन् । यसअघि नै म्यादी प्रहरी भैसकेका नागरिकले प्रमुख प्राथिकता पाउने सूचनामा उल्लेख छ । यस्तै पुर्व प्रहरी, शसस्त्र र नेपाली सेनालाई समेत प्राथमिकतामा राखिएको छ। यसका लागि असोज १४ गतेसम्म आवेदन दिइसक्नु पर्नै सूचनामा उल्लेख गरिएको छ ।

NLIC
Lamxi_bank

म्यादी प्रहरीले प्रतिदिन ८ सय ६९ रुपैंया पारिश्रमिक पाउनेछन् । यस्तै खाद्यान्नका लागि ७२ सय र पोसाकका लागि ७ हजार खर्च छुट्टै उपलब्ध हुने बताईएको छ ।

आवेदन दिएका म्यादी प्रहरीको छनोट प्रक्रिया असोज ९ गतेदेखि १६ गतेसम्म हुनेछ भने अन्तिम नतिजा भने असोज २५ गते प्रकाशित गरिने सूचनामा उल्लेख छ । छनोट भएका भ्यादी प्रहरीका लागि असोज ३० देखि कात्तिक ७ गतेसम्म प्रशिक्षण कार्यक्रम गरिने भएको छ । म्यादी प्रहरीको अवधि ४० दिनको हुने बताईएको छ ।

प्रतिक्रिया दिनुहोस्

CIVIL
NCHL