काठमाडौं । उपप्रधानमन्त्री एवं अर्थमन्त्री विष्णुप्रसाद पौडेलले नेपाललाई ग्रे लिष्टबाट बाहिर निकाल्न सरकारले कुनै कसर बाँकी नराखी काम गर्ने बताएका छन् ।
अर्थमन्त्री पौडेलले बिहीबार राष्ट्रिय सभामा सांसदहरुको प्रश्नहरुको जवाफ दिँदै ग्रे लिष्टबाट बाहिर निकाल्न कुनै कसर बाँकी नराखी सरकारले काम गर्छ बताएका हुन् ।
‘हामी ग्रे लिष्टबाट बाहिर निस्कने मात्र होइन, फेरी कहिल्यै ग्रे लिष्टमा नपर्ने गरी कामकारवाही अघि बढाइरहेका छौं,’ उनले भने, ‘यसका नतिजाहरु क्रमशः आउनेछन् ।’
अर्थमन्त्री पौडेलले दुई वर्ष अघि नै नेपाललाई ग्रे लिष्टबाट बाहिर निकाल्ने बताए। यस्तै उनले राज्यलाई नै चुनौती दिन सक्ने ठुला र गम्भिर प्रकृतिका आर्थिक अपराध नियन्त्रण नेपाल र विश्वका सबै मुलुकको सामुहिक चासोको विषय भएको बताउँदै नेपाल ग्रे लिस्टबाट बाहिर निस्कनका लागि आवश्यक कानुनहरुमा काम अघि बढेको बताए ।
