काठमाडौं । अब बैंक तथा वित्तीय संस्थाहरुले गर्ने संस्थागत सामाजिक उत्तरदायित्वको खर्च गरिव उन्मुलनमुखी हुनुपर्ने भएको छ । नेपाल राष्ट्र बैंकले बैंक तथा वित्तीय संस्थाको संस्थागत सामाजिक उत्तरदायित्वसम्बन्धी मार्गदर्शन २०८१ मा पहिलो संशोधन २०८२ सार्वजनिक गर्दै यस्तो बताएको हो ।
अब बैंक वित्तीय संस्थाहरुको संस्थागत सामाजिक उत्तरदायित्व कोषमार्फत् गरिब, विपन्न तथा लक्षित वर्गको हित तथा उत्थानमा योगदान पुर्याउनुपर्ने छ । संस्थागत सामाजिक उत्तरदायित्व कोष परिचालन गर्दा गरिबीको रेखामुनी रहेका मध्ये पनि चरम गरिबीमा जीवनयापन गरिरहेका समुदायको छनोट/पहिचान गरी त्यस्ता समुदायको हित तथा उत्थानलाई प्राथमिकता दिने उद्देश्य उक्त मार्गदर्शनको रहेको केन्द्रिय बैंकले जानकारी दिएको छ ।
