काठमाडौं । नेपाल आयल निगमले सिलिगुडी झापा पेट्रोलियम पाईपलाईनको निर्माण प्रक्रिया अघि बढाएको छ । निगमले उक्त पाईपलाईनका लागि आवश्यक बोटलिङ प्लान्ट निर्माण प्रक्रिया अघि बढाएको हो । उक्त पाईपलाईनका लागि आवश्यक एलपीजे बोटलिङ प्लान्टका लागि ९० दिनको भण्डारण परियोजना कार्य सुरु भएको हो ।
निगमले झापामा रहेको जग्गामा प्रदेश १ लाई आवश्यक ग्याँस र पेट्रोलियम पदार्थ भण्डारणका लागि ४० हजार किलोलिटर क्षमताको भण्डारण तयार पार्दैछ ।
उक्त परियोजनाका लागि नेपाली र भारतिय पक्षबाट पाईपलाईन सर्भे र उपयुक्त रुटको एकिन गर्ने काम भईसकेको छ । र यसका लागि ४ हजार मेट्रिक टन क्षमताको एलपी ग्याँस भण्डारण र बोटलिङ प्लान्ट निर्माण गर्नका लागि अन्तरराष्ट्रिय परामर्श दाता नियुक्त भई कामसमेत सुरु भईसकेको निगमले जानकारी दिएको छ ।
यस्तै निगमले भद्रपुर विमानस्थलमा रहेका ३० हजार लिटर क्षमताका २ रिफ्युलिङ ट्यांकलाई थप व्यवस्थित बनाएको छ ।
