‘लक डाउन’ अवधिभर एनआइसी एशियाको प्रदेश ५ मा ग्राहक सहायता केन्द्र, विभिन्न स्थानबाट एटीएम सेवा

nic asia bank

काठमाडौं । एनआइसी एशिया बैंक लिमिटेडले आफ्ना ग्राहकको सुविधालाई मध्यनजर गर्दै ग्राहक सहायता केन्द्र सञ्चालनमा ल्याएको छ । टेलिफोनबाटै ग्राहकको गुनासो सुन्ने र सम्बोधन गर्ने गरी ग्राहक सहायता केन्द्र सञ्चालनमा ल्याइएको बैंकका प्रदेश कार्यालय प्रमुख तिलकसुन्दर कार्कीले बताए ।

कोरोना भाइरसको जोखिमका कारण सरकारले मुलुकभरी नै ‘लक डाउन’ गरेपछि ग्राहकले घरभित्रैबाट आफ्ना गुनासो राख्न सकुन् भनेर ग्राहक सेवा केन्द्र सञ्चालनमा ल्याइएको उनले बताए ।

बैंकले प्रदेश कार्यालयका साथै प्रदेश नं ५ का छ स्थानमा ग्राहक सेवा केन्द्र सञ्चालनमा ल्याएको हो । ग्राहक सेवा केन्द्रअन्तर्गत प्रदेश कार्यालयमा बैंकका प्रदेश प्रमुख कार्कीका साथै महेश घिमिरे र प्रकाश पन्थीलाई सम्पर्क व्यक्ति तोकिएको छ ।

त्यस्तै भैरहवा एसपिओ कार्यालयका लागि राजनप्रसाद पोखरेल, सुरज पौडेल र वसन्त भण्डारीलाई सम्पर्क व्यक्ति तोकिएको छ भने बुटवल एसपिओका लागि दीपक आचार्य, सञ्जीव खड्का र तिलक खनाललाई सम्पर्क व्यक्ति तोकिएको छ ।

ग्राहक सहायता केन्द्रअन्तर्गत नेपालगञ्ज एसपिओ कार्यालयका लागि माधव बेल्बासे, अशोक तिमिल्सेना र राकेश केसीलाई जिम्मेवारी दिइएको छ भने बुटवल देवीनगर एसपिओका लागि रामकृष्ण काफ्ले, विनोद पोखरेल र अर्जुन तिमिल्सेनालाई जिम्मेवारी दिइएको छ ।

त्यस्तै घोराही दाङ एसपिओका लागि दीपक अर्याल, विजय रक्साली, राजेन्द्र सिंह र सुरज श्रेष्ठलाई सम्पर्क व्यक्ति तोकिएको बैंकका प्रदेश कार्यालय प्रमुख कार्कीले बताए ।

लक डाउनको समयमा ग्राहकलाई पैसाको आवश्यकता परे प्रदेश नं ५ अन्तर्गत खुला रहेका ६७ एटीएमबाट सेवा लिनसक्ने गरी व्यवस्था मिलाइएको उनले जानकारी दिए । एनआइसी एशियाले बुटवलमा १४, भैरहवामा पाँच र तिलोत्तमामा आठ एटीएम सेवा प्रदान गरेको छ ।


फेसबूक कमेन्ट गर्नुहोस्

DMCA.com Protection Status