पर्वतारोहण संघ ४३औं बर्षमा, भूकम्पपछिको पर्यटन प्रवद्दर्नलाई जोड दिइने


बिजखबर संवाददाता
2 November, 2015 12:05 pm

नेपाल पर्वतारोहण संघ स्थापनाको ४३ बर्षमा प्रवेश गरेको छ । सोमवार एक कार्यक्रम बीच संघले आफ्नो ४२ औं बार्षिकउत्सव मनाएको छ।

FoneLoan-250x250
yamaha

नागपोखरीस्थित सङ्घको कार्यालय परिसरमा आयोजित कार्यक्रममा संस्कृति, पर्यटन तथा नागरिक उड्डयन मन्त्रालयका सचिव दिनेशकुमार थपलिया, पर्यटन विभागका महानिर्देशक गोविन्दबहादुर कार्की तथा आरोहीलगायतको सहभागीत रहेको थियो ।

सो अवसरमा संघले हरेक वर्ष प्रदान गर्दै आएका तीन बिधाका पुरस्कार घोषणा गरेको छ । ती पुरस्कारहरु क्रमशः कुमार खड्गबिक्रम साहसिक पुरस्कार पर्वतारोहण प्रशिक्षक छिरिङ वाङ्दे भोटेलाई, डा हर्क गुरुङ अनुसन्धान पुरस्कार ग्रामीण सञ्चारप्रविधि विज्ञ महावीर पुन र नावानुर्बु शेर्पा पत्रकारिता पुरस्कार पत्रकार नारायण भण्डारीलाई प्रदान गरिने बताइएको छ ।

उक्त पुरस्कारमा प्रत्येकलाई एक तोला सुन र दुई तोला चाँदीसहितको तक्मा दिने बताइएको छ । सोही अवसरमा पर्यटन सचिव थपलियाले सङ्घको झण्डोत्तोलन गर्दै भूकम्पपछिको पर्यटन पवद्र्धनका लागि सबै व्यवसायी एकजुट भएर लाग्नुपर्ने बताए ।

प्रतिक्रिया दिनुहोस्