टानको अध्यक्षमा चन्द्र रिजाल निर्वाचित, अघिकांश पदमा रिजाल समुह


बिजखबर संवाददाता
16 October, 2015 1:29 pm

Chandra-rijal-tan

ट्रेकिङ एजेन्सिज एसोसिएसन अफ नेपाल (टान)को अध्यक्षमा चन्द्रप्रसाद रिजाल निवाचित भएका छन् । उनले आफ्ना प्रतिद्वन्द्वी सागर पाण्डेलाई ७९ मतान्तरले पराजित गर्दै निर्वाचित भएका हुन् ।

FoneLoan-250x250
yamaha

रिजाल खसेको कुल मतमध्ये ४ सय ११ पाएर विजयी भएका हुन् । उनीसँग पराजित पाण्डेले भने ३ सय ३२ मत प्राप्त गरेका थिए । पदाधिकारी र सदस्य गरी १७ पदमा भएको निर्वाचममा अधिकांश पद रिजाल समुहले जितेको छ ।

टानमा ८ पदाधिकारी र ९ सदस्यका लागि मतदान भएको थियो । जसमा रिजाल समुहले प्रथम उपाध्यक्ष र कोषाध्यक्ष बाहेक सबै पदमा जितेको छ । यसैगरी ९ जना कार्यसमिति सदस्यमध्ये ८ जना रिजाल समुहले नै जितेको छ ।

टानका वरिष्ठ उपाध्यक्षमा टासी लाक्पा शेर्पा निर्वाचितभएका छन् । उनले ४ सय ४ मत पाएका थिए भिने उनका प्रतिद्वन्द्वी निमा शेर्पाले ३ सय ३१ मत पाएका थिए । प्रथम उपाध्यक्षमा पाण्डे समूहका विद्या हिराचन विजयी भएका छन् । द्वितीय उपाध्यक्षमा रामप्रसाद सापकोटा विजयी भएका छन् । उनले ४ सय ३ मत पाएका छन् । उनका प्रतिद्वन्द्वी ऋषिप्रसाद नेपालले ३ सय ३५ मत पाएका छन् ।

महासचिवमा पनि रिजाल समुहकै कर्णबहादुर लामा विजयी भए । उनले ४ सय १२ मत पाएका छन् भने उनका प्रतिद्वन्द्वी पासाङ शेर्पाले ३ सय २७ मत पाए । सचिवमा मुक्ति पाण्डेले ४ सय ४ मत ल्याएर विजयी भएका छन् ।

कोषाध्यक्षमा लीलावल्लभ दाहाल विजयी भए । उनले ३ सय ८५ मत पाएका छन् भने सह कोषाध्यक्ष कृष्णमान श्रेष्ठले ३ सय ९३ मत ल्याएर विजयी भएका छन् ।

कार्यसमिति सदस्यमा रिजाल समूहबाट रुद्रजंग अधिकारी, तारानाथ लामिछाने, देवी पाण्डे, डम्बरबहादुर अधिकारी, वासुदेव लम्साल, सरिता लामा, ङावाङिमा शेर्पा र वाङ्छु शेर्पा विजयी भए । पाण्डे समूहबाट भने पेम्बा शेर्पाले जितेकी छिन् ।

टानमा १ हजार मतदाता रहेको थियो । जसमध्ये ७ सय ६२ मत मात्रै खसेको थियो ।

प्रतिक्रिया दिनुहोस्