काठमाडौं । सरकारले लकडाउनलाई जेठ ५ गतेसम्म बढाउने निर्णयसँगै अन्तरराष्ट्रिय उडान र सीमानाका पनि जेठ १८ गतेसम्म बन्द गर्ने भएको छ ।
बुधबार बसेको मन्त्रिपरिषदको बैठकले विश्वभर फैलिएको कोरोना भाईरसका कारण बाह्य क्षेत्रबाट हुने खतरा रोक्न लागि अन्तरराष्ट्रिय उडान र सीमानाका बन्द गर्ने निर्णय गरेको संस्कृति पर्यटन तथा नागरिक उड्डयन मन्त्रालयले जानकारी दिएको छ ।
मन्त्रालयका अनुसार काठमाडौंको लकडाउन खुले पनि अन्तरराष्ट्रिय उडान भने विश्वभर नै बन्द हुने छ । यस अघि जेठ २ गतेसम्म आन्तरिक तथा अन्तरराष्ट्रिय उडान बन्द गरेको सरकारले लकडाउनको समयसिमा थपेसँगै आन्तरिक, अन्तरराष्ट्रिय उडान र सिमा नाकासमेत जेठ १८ गतेसम्मका लागि बन्द गरेको हो ।
