टेलिकमले क्रिकेट टीमलाई प्रायोजन गर्ने, संघलाई बार्षिक ८५ लाख सहयोगको सम्झौता


रामराजा श्रेष्ठ
6 April, 2015 4:46 pm

बिजखबर संबाददाता

FoneLoan-250x250
yamaha

२३ चैत,काठमाडौं । नेपाल टेलिकमले सिनियर राष्ट्रिय पुरुष र महिला क्रिकेट टिम तथा टी –२० क्रिकेट ट्रफीको प्रायोजन गर्ने भएको छ । सोमबार एक कार्यक्रमबीच टेलिकम र नेपाल क्रिकेट संघबीच यस्तो सम्झौता भएको हो । सो अवसरमा नेपाल टेलिकमका प्रवन्ध निर्देशक बुद्धिप्रसाद आचार्य र नेपाल क्रिकेट संघका कार्यवाहक अध्यक्ष दीपक कोइरालाले सम्झौतापत्रमा हस्ताक्षर गरे ।

नेपाल टेलिकम सिनियर राष्ट्रिय पुरुष क्रिकेट टिम र सिनियर राष्ट्रिय महिला क्रिकेट टिमको एक मात्र प्रायोजक रहनेछ । एक मात्र प्रायोजकको हैसियतले पुरुष र महिला दुवै सिनियर राष्ट्रिय क्रिकेट टिम स्वतः नेपाल टेलिकमको ब्रान्ड एम्बेसडर हुनेछन् । नेपाल टेलिकमले नेपाल क्रिकेट संघलाई प्रायोजन गरे वापत बाािर्षक रुपमा कर बाहेक एकमुष्ट रु. ८५ लाख उपलब्ध गराउनेछ ।

ntc-can

त्यसैगरी टेलिकमको प्रायोजनमा नेपाल क्रिकेट संघले प्रत्येक वर्ष २०–२० ढाँचामा क्रिकेट टुर्नामेन्ट सञ्चालन गर्नेछ । यो टुर्नामेन्टको नाम नेपाल टेलिकम च्याम्पियनसिप ट्रफी हुनेछ ।

नेपाल टेलिकमले नेपाल क्रिकेट संघलाई प्रतिवर्ष क्रिकेट टुर्नामेन्ट गराउन कर वाहेक रु. ७० लाख उपलब्ध बताइएको छ ।

प्रतिक्रिया दिनुहोस्