काठमाडौं । च्याट जीपीटी सार्वजनिक भएपछि यसको बारेमा विभिन्न चर्चा भइरहेका छन् । अहिलेसम्मकै सबैभन्दा शक्तिशाली प्रविधिका रुपमा प्रशंशा कमाइरहेको च्याट जीपीटीले अहिले धेरैको चिन्ता बढाएको छ । च्याट जीपीटी सार्वजनिक भएसँगै यस्तो वातावरण सिर्जना भइरहेको छ कि भविष्यमा यसले धेरैको रोजगारी जानेछ ।
यसबारे मानिसहरू सचेत हुनुअघि नै च्याट जीपीटीको सुपर अपग्रेड भर्सन जिपिटी–४ आएको छ । अझ चिन्ताको विषय यो हो कि यो एआई उत्पादन सिर्जना गर्ने स्टार्टअप ओपन एआईका सीईओ आफैंले मानिसहरूको जागिर गुमाउने खतरा छ भनेका छन् । ओपन एआईका सीईओ साम अल्टम्यानले एबीसी न्यूजसँगको अन्तर्वार्तामा भने कि उनी आफ्नो कम्पनीको आविष्कारबाट थोरै डराएका थिए । उनले भने, –‘यहाँ होसियार हुनुपर्छ । मलाई लाग्छ कि मानिसहरू खुसी हुनुपर्छ । हामी यसबाट अलिकति डराएका छौं । उनले भनेका छन्–‘किनभने यो प्रविधि आफैमा अविश्वसनीय रूपमा शक्तिशाली र सम्भवतः खतरनाक रहेको छ ।’
जब अल्टम्यानलाई उनको डरको कारण सोधिएको थियो, उनले भने, ‘यदि म डराएको छैन भने भनेपनि तपाईले मलाई विश्वास गर्नुहुँदैन यसले धेरै रोजगारीहरू अन्त्य गर्नेछ, यो सत्य हो । हामी च्याट जिपिटीलाई धेरै राम्रो बनाउन सक्छौं । एआई विकास गर्नुको पछाडि हाम्रो जीवनलाई राम्रो बनाउनु हो । यसले हाम्रो जीवनमा ठूलो प्रभाव पार्नेछ । यो मानिसले बनाएको सबैभन्दा ठूलो प्रविधि हुनेछ ।’
अल्टम्यानले शिक्षामा एआई संचालित च्याटबटहरूको प्रभावबारे पनि उल्लेख गरेका छन् । उनले विद्यार्थीमा आलस्य बढ्दै गएको पनि बताए । उनले भने, ‘शिक्षालाई बदल्नुपर्छ । यो प्रविधिको साथ धेरै पटक भएको छ । जब हामीले क्याल्कुलेटर पायौं, गणित सिक्ने तरिका पूर्ण रूपमा परिवर्तन भयो ।’
ओपन एआईले हालै जिपिटी–४ लन्च गरेको छ । यो एक एआई प्रविधि हो जसले केही व्यावसायिक र शैक्षिक कार्यहरूमा मानवस्तरको प्रदर्शन प्रदान गर्न सक्छ । कम्पनीको ब्लगअनुसार पछिल्लो च्याटबट पहिलेभन्दा बढी रचनात्मक र सहयोगी छ । यसले अधिक सटीकताका साथ कठिन समस्याहरू समाधान गर्नेछ । यसले साधारण वेबसाइटको लागि हातले कोरेको मक–अपको फोटो लिन्छ र त्यसमा आधारित वास्तविक वेबसाइट बनाउन सक्छ । यसबाहेक जिपिटी–४ ले कर गणनामा पनि मानिसहरूलाई मद्दत गर्न सक्छ । अनुवाद गरिएको
