काठमाडौं । चालु आर्थिक बर्ष २०८०/८१ मा नेपालका आर्थिक वृद्धि ३.३ प्रतिशत हुने विश्वबैंकले प्रक्षेपण गरेको छ । मंगलबार नेपाल डेभलपमेन्ट अपडेट सार्वजनिक गर्दै विश्वबैंकले पर्यटन क्षेत्रमा उत्साह र विद्युत निर्यात उच्च भएपछि नेपालको आर्थिक वृद्धिदर बढ्ने अनुमान गरेको हो ।
यसै अवधिमा बढेको रेमिट्यान्स आप्रवाहका कारण नेपालमा मागको आकार पनि बढ्ने भएपनि वस्तु व्यापारमा पनि वृद्धि हुने प्रतिवेदनमा उल्लेख छ । प्रतिवेदन अनुसार आगामी आर्थिक बर्ष भने नेपालले ४.६ प्रतिशतको आर्थिक वृद्धिदर हासिल गर्ने देखिन्छ ।
तर, नेपालका प्रमुख रेमिट्यान्स बजारहरु भारत, मलेसियालगायतका खाडी मुलुकहरुको आर्थिक वृद्धिदर ऋणात्मक हुँदा नेपालको रेमिट्यान्स आप्रवाहमा भने केहि असर पर्ने प्रतिवेदनमा उल्लेख छ । यसका लागि नेपालमा लगानीको वातावरण निर्माण गरी थप लगानी भित्र्याउन लागिपर्नुपर्ने विश्वबैंकको धारणा छ ।
