काठमाडौं । बैंकमा सरकारी जागिर खान चाहनेहरुका लागि नेपाल बैंकमा अवसर खुलेको छ । नेपाल बैंकले एक सुचना जारी गर्दै तह ३ देखि तह ६ सम्म ५ सय ६२ जनाका लागि दरखास्त आह्वान गरेको छ । बैंकले सातै प्रदेशबाट सहायक र कनिष्ठ सहायकका लागि आवेदन माग गरेको हो ।
१ सय २६ जना सहायक प्रवन्धक र १० जना सिए समेत माग गरेको बैंकले अन्य भने सहायक र कनिष्ठ सहायक माग गरेको छ । नेपाल बैंकका अनुसार प्रदेशगत रुपमा आह्वान गरिएको उक्त आवदन दिने अन्तिम मिति भने असोज १९ गतेसम्म तोकिएको छ । सोही अनुसार उम्मेदवारले आवश्यक कागजातसहित आफ्नो फारम अनलाईनमार्फत भर्न सक्ने बैंकले जारी गरेको सुचनामा उल्लेख छ ।
अनलाईन दरखास्त भर्नका लागि भने आवेदन कर्ताले नेपाल बैंकको वेबसाईटमा गएर भर्नुपर्नेछ । बैंकले समावेशिताको आधारमा दलित, महिला, जनजाती, पिछडिएको क्षेत्र लगायत सबै कोटाहरुलाई छुट्याएर दराखास्त आह्वान गरेको हो । बैंकले जारी गरेको सुचना अनुसार आवेदकले मान्यताप्राप्त शिक्षण संस्थाबाट पदलाई आवश्यक शैक्षिक योग्यता पुरा गरेको हुनुपर्नेछ ।
