काठमाडौं । मलेसियामा जारी आइसीसी यु–१९ विश्वकप छनोटमा नेपालले सिंगापुरलाई हराएको छ । मलेसियाको सेलाङगोर टर्फ क्लवमा भएको खेलमा नेपालले सिंगापुरलाई २ सय १८ रनले पराजित गरेको हो । यससँगै नेपाल २ अंकसहित नेट रनरेटको आधारमा अंक तालिकाको शीर्ष स्थानमा पुगेको छ । आजै ओमनलाई हराएको कुवेत दोस्रो स्थानमा छ ।
टस हारेर ब्याटिङको निम्तो पाएको नेपालले रोहित पौडेलको कप्तानी इनिङमा राशिद खान र कमल सिंह ऐरीको ब्याटिङ थपिएपछि नेपालले ४६ ओभरमा अलआउट हुँदै २ सय ८२ रन बनाएको थियो । जवाफी ब्याटिङमा उत्रिएको सिंगापुर ३१ ओभर खेल्दै ६५ रनमै अलआउट भएको थियो ।
