काठमाडौं । प्रधानमन्त्री सुशिला कार्की नेतृत्वको मन्त्रिपरिषद्मा नवनियुक्त अर्थमन्त्री रामेश्वरप्रसाद खनाल दोस्रो वरियतामा परेका छन्।
राष्ट्रपतिको कार्यालय शितलनिवासमा आज सम्पन्न शपथग्रहण समारोहमा खनालसँगै उर्जा, भौतिक पूर्वाधार तथा सहरी विकासमन्त्री कुलमान घिसिङ र गृह तथा कानूनमन्त्री ओमप्रकाश अर्यालले पद तथा गोपनीयताको शपथ लिएका हुन्। मन्त्रिपरिषद्को वरियतामा खनाल दोस्रो, घिसिङ पहिलो र अर्याल तेस्रो स्थानमा छन्।
प्रधानमन्त्री कार्कीले मन्त्रिपरिषदलाई छिट्टै पूर्णता दिने तयारी गर्दै दोस्रो चरणका लागि छलफल थाल्ने भएकी छिन्। उनले सकेसम्म ११ सदस्यीय मन्त्रिपरिषद सीमित राख्ने योजना बनाएको बताइएको छ।
