काठमाडौं । गत हप्ता शुक्रबार प्रतितोला २ लाख नाघेको सुनको मूल्य आज पुनः उकालो लागेको छ । नेपाल सुनचाँदी व्यवसायी महासंघका अनुसार गत शुक्रबारको तुलनामा आज सुनको मूल्य प्रतितोला ३ हजार रुपैयाँले बढ्दै २ लाख ३ हजार ६ सय रुपैयाँ कायम भएको हो ।

यस्तै आज चाँदीको मूल्य पनि पनि ६५ रुपैयाँ प्रतितोलाले बढ्दै २ हजार ४ सय २५ रुपैयाँ कायम भएको हो । यसअघि गत शुक्रबार नेपाली बजारमा चाँदी प्रतितोला २ हजार ३ सय ६० रुपैयाँमा कारोबार भईरहेको थियो । आज सुन र चाँदी दुवैको मूल्य उच्च विन्दुमा पुगेको हो ।