काठमाडौं । सरकारले चन्द्रकुवेर खापुङलाई नेपाल प्रहरीको महानिरीक्षक (आईजीपी) नियुक्त गरेको छ। शुक्रबार बसेको मन्त्रिपरिषद् बैठकले भदौ १९ गतेदेखि लागू हुनेगरी उनलाई ३२औं आईजीपी बनाउने निर्णय गरेको हो।
हालका प्रहरी प्रमुख दिपक थापा भदौ १८ गते मध्यरातदेखि ३० वर्षे सेवा अवधि पूरा गरी अनिवार्य अवकाशमा जाने छन्। प्रधानमन्त्री केपी शर्मा ओली शनिबारदेखि चीन भ्रमणमा प्रस्थान गर्ने भएकाले त्यसअघि बसेको मन्त्रिपरिषद् बैठकले नयाँ आईजीपीको टुंगो लगाएको हो।
खापुङ हाल प्रहरीको केन्द्रीय अनुसन्धान ब्यूरो (सीआईबी) का प्रमुख छन्। उनी थापासँगै इन्स्पेक्टरमा प्रवेश गरेका भए पनि तीन चरणमा नियुक्ति वितरण हुँदा उनी अन्तिम लटमा परेका थिए।
