Logo

भूकम्प पीडितलाई पर्वतारोहण सङ्घबाट ३१ लाख सहयोग, विश्वभरका क्लवलाई पनि सहयोगका लागि आग्रह गर्ने

भूकम्प पीडितलाई पर्वतारोहण सङ्घबाट ३१ लाख सहयोग, विश्वभरका क्लवलाई पनि सहयोगका लागि आग्रह गर्ने



काठमाडौं । नेपाल पर्वतारोहण सङ्घले भूकम्प पीडितलाई सहयोग पुर्याउने उद्देश्यले ३१ लाख ११ हजार एक सय ११ सहयोग गर्ने निर्णय गरेको छ । सङ्घको आज सम्पन्न केन्द्रीय कार्यकारी बोर्ड बैठकले भूकम्पपीडितलाई सो सहयोग उपलब्ध गराउने निर्णय गरेको हो ।

सङ्घको आन्तरिक स्रोतबाट उक्त रकम प्रधानमन्त्री दैवीप्रकोप राहत कोषमा जम्मा गर्ने निर्णय भएको सङ्घका महासचिव मोहन लम्सालले जानकारी दिए।

उनले प्रधानमन्त्रीलाई भेटेर सहयोग रकमको चेक हस्तान्तरण गरिने बताए । बैठकले नेपालमा भूकम्प पीडितलाई सहयोग जुटाउन विश्वभरका अल्पाइन क्लबहरुलाई आग्रह गर्ने पनि निर्णय गरेको छ ।

प्रतिक्रिया दिनुहोस्
MBL
NTC