GBIME

काठमाडौंमा दैनिक १५ सय टन फोहर उठाइदै, अझै ३० हजार मेट्रिक टन फोहर उठन बाँकी


मदनराज पन्त
14 June, 2022 3:53 pm

garbage

काठमाडौं । काठमाडौं महानगरपालिकाले फोहर उठाउन सुरु गरेसंगै फोहरका कारण उत्पन्न राजधानीको दुर्गन्धमा कमी आएको छ । फोहर व्यवस्थापन गरिदै आएको सिडोल र बञ्चरेडाँडाका स्थानीयको अवरोधका कारण पछिल्लो समय राजधानीको फोहर उठन नसक्दा लामो समय फोहर थुप्रिएर शहरमा दुर्गन्ध बढेको थियो ।

NLIC
LAXMI

राजधानी भित्र महिनौ दिनदेखि नउठेको फोहर पछिल्लो समय दैनिक रुपमा संकलन र विसर्जनको कार्य भइरहेको काठमाडौं महानगरपालिका वातावरण व्यवस्थापन महाशाखा प्रमुख सरिता राईले बताइन । उनले भनिन, ‘पछिल्लो समय फोहर संकलन र व्यवस्थापन कार्य दैनिक रुपमा बृद्धि भइरहेको छ। पहिलो दिन १५३ ट्रक, दोस्रो दिन २५३ ट्रक, तेस्रो दिन ३१५ ट्रक, चौथो दिन ३५७ ट्रक फोहर व्यवस्थापनका लागि ल्याण्डफिल साइटतर्फ पठाईएको छ ।’

महाशाखा प्रमुख राईले महिनौ दिनदेखि नउठेको फोहर एक दुई दिनमै उठाउन सम्भव नभएको बताइन । उनले अझै ३० हजार मेट्रिक टन फोहर उठन बाँकी रहेको, हाल दैनिक १५ सय टनका दरले फोहर उठिरहेको र सम्पूर्ण फोहर उठन अझै केही समय लाग्ने बताइन ।

बञ्चरेडाँडाका स्थानीयबासीले आफ्ना माग सम्बोधन नहुदाँ उक्त ठाँउमा फोहर फाल्न अवरोध गरेका थिए । यसअघिका सम्झौता समयमै कार्यान्वयन नहुँदा स्थनीयले गरेको अवरोधका कारण सफा शहर बनाउने मेयरको प्रतिबद्धता अनुरुप काम हुन सकेको थिएन । स्थानीयले अवरोध गरेकै ठाँउमा पुगेर स्थानीय र जनप्रतीनीधी संगको छलफल पश्चात महानगर फोहर उठाउन सफल भएको छ । प्रभावित क्षेत्रका स्थानीय जनप्रतीनिधि संग भएको सम्झौताअनुरुप निर्धारित समयमै माग सम्बोधन हुने कार्य अगाडि बढाइने काठमाडौं महानगरपालीका वातावरण व्यवस्थापन महाशाखा प्रमुख राईले बताइन ।

गत शुक्रबार स्थानीय प्रतिनिधि र महानगर पदाधिकारीबीच १८ बुंदे सम्झौतापश्चात राजधानीको फोहर उठन थालेको हो । यसका साथै काठमाडौं माहानगरपालिका भित्र रहेका समस्याको दीर्घकालीन समाधान खोजी गरिने भएको छ । महानगर कार्यपालिकाको आइतबार बसेको दोस्रो बैंठकमा उप मेयर सुनिता डंगोलले फोहरको अल्पकालिन समाधान गरिए पनि यसको दीर्घकालिन समाधानको उपाय खोजी गर्न महानगर लाग्नुपर्ने आवश्कता रहेको बताइन ।

प्रतिक्रिया दिनुहोस्

CIVIL
NCHL