GBIME

३३ किलो सुन प्रकरणमा गोरेसहित ६ जनालाई जन्मकैद, ४८ जनालाई सफाई


बिजखबर संवाददाता
5 October, 2021 3:47 pm

काठमाडौं । लामो समयदेखि थाती रहेको ३३ किलो सुन प्रकरणको फैसला आएको छ । जिल्ला अदालत मोरङले मंगलबार चार वर्षपछि ३३ किलो सुन प्रकरणको फैसला सुनाएको हो ।

Bajaj
Nabil
Yamaha

अदालतले ७७ जना प्रतिवादीमध्ये ८ जनलाई मात्र सजाय दिएको छ । सुन प्रकरणका मुख्य योजनाकार भनिएका चुडामणि उप्रेती ुगोरेु, टेकराज मल्ल ठकुरी, लाक्पा शेर्पा, मोहन काफ्ले नरेन्द्र कार्की र भोजराज भण्डारी गरि ६ जनालाई जन्म कैद सजाय सुनाइएको छ । त्यस्तै बाँकी दुई जनलाई भने तीन वर्ष र ६ महिना कैद सजाय सुनाइएको छ ।

२०७४ माघ ९ गते त्रिभुवन अन्तर्राष्ट्रिय विमानस्थलबाट ३३ केजी सुन बाहिरिएको थियो । विमानस्थलबाट सहजै बाहिरिएको सुन बानेश्वर र एयरपोर्टको बीच बाटोबाट नै एकाएक गायब भएको थियो ।

sarbottam

यही विषयमा सुन तस्करीबीच विवाद भएपछि २०७४ फागुन १८ गते ३५ वर्षीय सुन व्यापारी सनम शाक्यको हत्या भयो र तस्करीका एकाएक घटनाका प्लटहरू बाहिरिएका थिए ।

२०७५ वैशाख १९ गते सात जना प्रहरी सहित ६३ जना विरुद्ध जिल्ला अदालत मोरङमा मुद्दा दर्ता भएको थियो । सङ्गठित अपराध, अपहरण तथा शरीर बन्धक र कर्तव्य ज्यानमा मुद्दा दर्ता भएको थियो ।

तर अझैसम्म ३३ किलो सुन कहाँ गयो भन्ने पत्ता लागेको छैन । सुन प्रकरणका मुख्य अभियुक्त चुडमाणि उप्रेती ुगोरेु लाई २०७५ जेठमा पक्राउ पछि सार्वजनिक गरिएको थियो । उनी अदालतको आदेशमा केन्द्रीय कारागार सुन्धारामा छन् । यही घटनामा प्रहरीदेखि व्यापारीसम्म मुछिए पनि यस प्रकरणमा मुछिएका ४८ जनाले सफाइ पाएका छन् ।

प्रतिक्रिया दिनुहोस्

Nepal_telecom