आयल निगम र वाणिज्यका कर्मचारी सरुवा गर्दै मन्त्रालयल, अनिमियतता गरेको आरोप


बिजखबर संवाददाता
19 November, 2015 5:42 pm

काठमाडौं । वाणिज्य तथा आपुर्ति मन्त्रालयले नेपाल आयल निगम र वाणिज्य विभाग अन्तरगत कर्मचारीलाई सरुवा गर्ने भएको छ । संकटको वेला तदारुकताका साथ काम गर्न नसकेको भन्दै कर्मचारी नै सरुवा गर्न लागिएको वाणिज्य तथा आपूर्ति मन्त्री गणेशमान पुनले जानकारी दिए । ‘हाल आयल निगम र वाणिज्य विभागका कर्मचारीले व्यवसायीसँगको मिलेमत्तोमा अनियमितता गरे भन्ने गुनासो आएको छ,’ मन्त्रालयमा आयोजित पत्रकार सम्मेलनमा उनले भने, ‘त्यस्ता कर्मचारीको तत्काल अनुसन्धान गरी सरुवा गर्ने छौं ।’

FoneLoan-250x250
Yamaha_250X250

पछिल्लो समय निगम तथा विभागका उच्च पदस्थ कर्मचारीले नै व्यवसायीसँगको मिलेत्तोमा अनिमियतता गरेको उजुरी मन्त्रालयलमा परेको छ । सोही आधारमा सरुवा गर्न लागिएको समेत उनले जानकारी दिए । ‘गल्ती गर्ने जोसुकैलाई पनि छाडिँदैन,’ उनले भने ।

हाल क–कसले अनिमियतता गरे भन्ने आधिकारीक प्रमाण फेला नपरेको जानकारी दिँदै उजुरी परेका कर्मचारी विरुद्ध तत्काल छानविन गरिने समेत उनको भनाइ थियो । तर, क–कसलाई हटाउने भन्ने विषयमा भने मन्त्री पुनले स्पष्ट पारेनन् ।

प्रतिक्रिया दिनुहोस्