बिजखवर संवाददाता
३ मंसिर, काठमाडौं । साताको पहिलो तीन दिन ओरालो लागेको नेप्से परिसुचक बुधबार पुन उकालो लागेको छ । अघिल्ला दिनमा द्रुत रुपमा घटेको परिसुचक बुधावार ९  दशमलव ३७ अंकले बढेको छ । बुधबार बजार खुलेपछि केही समय ओरालो लागेको परिसुचक १० अंकले बढेर ८ सय ५३  दशमलव ९५ विन्दुमा पुगेको छ ।
अर्थमन्त्री डा. रामशरण महतले नेपाल राष्ट्र बैंकका नेतृत्वलाई बजार घटेको वारे गम्भीर हुन र तुरुन्त आवश्यक कदम चाल्न निर्देशन दिएपछि मंगलवार मध्यान्हबाटै बजारमा सुधारको संकेत देखिएको थियो । साथै, मन्त्री महतले डिम्याट गरिएको सेयरको धितोमा कर्जा पाउने व्यवस्था मिलाउन समते निर्देशन दिएको राष्ट्र बैंक स्रोतले बताएको छ
बुधवार बजारमा सवैभन्दा बढी जलविद्युत् समुहको परिसुचक ४८ दशमलव  ४८ अंकले बढेको छ । अघिल्ला दिनमा सोही समुहको परिसुचक सवैभन्दा बढी घटेको थियो । यस्तै, होटल समुहको परिसुचक ४० अंकले बढेको छ भने बीमा समुह ३८ अंकले बढेको छ । बुधवार बैंकि बैंकिङ समुहको परिसुचक पनि ९ दशमलव ३७ अंकले बढेको छ । बुधवार बजारमा  सवै समुहका परिसुचक उकालो लागको छ ।
बुधबार बजारमा कुल २२ करोड ५३ लाख रुपैयाँका बराबरको ४ लाख ६१ हजार कित्ता सेयर मात्र कारोबार भएको छ । नेप्से पसिसुचक बढेपनि कारोबार रकम भने अघिल्ला दिन तुलनामा घटेको छ । अर्थमन्त्रीको निर्देशनसँगै आगामी दिनमा नेप्से परिसुचक बढ्न् सम्भावना रहेकाले बजारमा सेयर किनवेच कम भएको ब्रोकरहरु बताउँछन् ।