काठमाडौं । ग्राहकलाई अझ प्रभावकारी सेवा प्रदान गर्न तथा बिक्रीपछिको सेवालाई थप मजबुत बनाउन एमएडब्लू वृद्धिले बालकुमारी र बसुन्धरामा दुईवटा अत्याधुनिक विद्युतीय सवारी साधन (ईभी) सर्भिस सेन्टर सञ्चालनमा ल्याउने भएको छ।
रणनीतिक रूपमा शहरका मुख्य स्थानहरूमा सञ्चालन गरिने यी सर्भिस केन्द्रहरू डीपल, डोंगफेंग र सेरेस ब्रान्डका ईभी गाडीहरूका लागि मात्र समर्पित हुनेछन्। नयाँ केन्द्रमा २५ वटा विशेष सर्भिस बे रहनेछन्, जसले धेरै संख्याका गाडीहरूलाई एकैपटक सुलभ, सूक्ष्म र दक्ष रूपमा मर्मत गर्ने क्षमता राख्दछन्।
यी सर्भिस केन्द्रहरू एमएडब्लूका दोस्रो र तेस्रो विशेष ईभी वर्कशप हुनेछन्। यससँगै कम्पनीको विद्युतीय सर्भिस केन्द्रको संख्या तीन पुगेको छ।
सधैं आफ्टर सेल्स सर्भिस र ग्राहक सन्तुष्टिमा जोड दिँदै आएको एमएडब्लू वृद्धिले यी नयाँ सुविधामार्फत दीर्घकालीन सेवा प्रतिबद्धतालाई थप बलियो बनाउने लक्ष्य राखेको छ।
