काठमाडों । नेपाली सिनेमा क्षेत्रकी नायिका सुरक्षा पन्त चौधरी ग्रुपअन्तर्गत सिजी इलेक्ट्रिकको ब्रान्ड एम्बेस्डरमा नियुक्त भएकी छन् ।
विद्युतीयउपकरणमा अग्रणी कम्पनी इओएल प्रालिले सिभिल इञ्जिनियर तथा मोडल पन्तलाई ब्रान्ड एम्बेसडर नियुक्त गरेको हो । सुरक्षा पन्त र कम्पनीबीचको सहकार्यले प्रतिभा र उत्कृष्टताको प्रतीकलाई एकै ठाउँमा ल्याउने, ब्रान्डको उपस्थितिलाईअझमाथि उठाउने र यसको विविधउत्पादनलाई प्रवर्द्धनगर्ने लक्ष्य राखेको छ ।
नवीनता र गुणस्तरप्रति प्रतिबद्धताका लागि परिचित सिजी इलेक्ट्रिकले सुरक्षा पन्तलाई आफ्नो ब्रान्डको प्रतिनिधित्व गर्न रोजेको हो । सुरक्षाको आकर्षण, बहुमुखी प्रतिभा र प्रभावशाली व्यक्तित्वले उपभोक्ताहरूलाई अत्याधुनिक सामानहरू उपलब्ध गराउन र सहज सेवा प्रदान गर्न सिजी इलेक्ट्रिकको दृष्टिकोणसँग पूर्ण रूपमा मिल्दोजुल्दो रहेको कम्पनीको भनाई छ ।
सहकार्यको बारेमा टिप्पणी गर्दै, सिजीका उपाध्यक्ष एससी साबूले सुरक्षासँग हाम्रो ब्रान्ड एम्बेसडरको रूपमा आबद्ध हुन पाउँदा खुसी भएको बताए । उनको अनुग्रह, प्रामाणिकता र उनको कामप्रतिको समर्पण हाम्रो सिजी. इलेक्ट्रिक ब्रान्डको मार्गदर्शनसँग स्पष्ट रूपमा मिल्छ ।
सुरक्षा पन्तले साझेदारीको बारेमा आफ्नो उत्साह व्यक्त गर्दै भनिन्, ‘उत्कृष्टताप्रतिको प्रतिबद्धताका लागि परिचित ब्रान्ड सि.जी. इलेक्ट्रिकसँग आबद्ध हुन पाउँदा म सम्मानित छु ।’
सुरक्षा पन्त र सिजी इलेक्ट्रिक बीचको सहकार्यले ग्राहकहरूलाई उत्प्रेरित गर्न र विद्युतीय उपकरण र नवीकरणीय ऊर्जा क्षेत्रमा बजारमा ब्रान्डको स्थिति बलियो बनाउन साथै असाधारण उत्पादनहरू प्रदान गरेर दिगो प्रभाव सिर्जना गर्ने लक्ष्य राख्दै उपभोक्ताहरूको जीवनलाई सहज बनाउँदछ ।
