Global_Ime

कमोडिटी एक्सचेञ्जमा बैंकबाट ऋण लिएर लगानी गर्न नपाईने, ४९ प्रतिशत सेयर सर्वसाधारलाई बिक्री गर्न सकिने


बिजखबर संवाददाता
30 June, 2021 10:57 am

commodity_exchange

काठमाडौं । कमोडिटी एक्स्चेञ्ज स्थापना गर्दा बैंक तथा वित्तीय संस्थाबाट कर्जा वा सापटी लिएर लगानी गर्न नपाईने भएको छ । नेपाल धितोपत्र बोर्ड (सेबोन) ले ‘वस्तु विनिमय बजार सञ्चालन गर्न अनुमतिपत्र प्रदान गर्ने नीतिगत एवं प्रकृयागत व्यवस्था सम्बन्धी निर्देशिका, २०७८’ जारी गर्दै उक्त व्यवस्था गरेको हो ।

Yamaha

जस अनुसार संस्थापकहरुले लगानी गर्ने रकम बैंक, वित्तीय संस्था लगायतबाट ऋण सापटी प्राप्त गरेको रकमबाट प्रस्तावित संस्थामा लगानी गर्न पाइने छैन । निर्देशिका अनुसार वस्तु विनिमय बजार सञ्चालन गर्ने संस्थाको संस्थापकहरुले कम्तीमा एकाउन्न प्रतिशत र बढीमा सत प्रतिशत सेयर लगानी गर्ने प्रस्ताव गरी निवेदन दिनु पर्नेछ । तर एक जता संस्थापकले बढिमा ५ प्रतिशतभन्दा बढि सेयर होल्ड गर्न पाउने छैनन् । तर प्रस्तावित संस्थामा विदेशी रणनीतिक साझेदारलेकुल चुक्ता पुँजीको बढीमा एकाउन्न प्रतिशतसम्म सेयर लगानी गर्न सक्नेछ ।

कमोडिटी एक्सेञ्जका संस्थापकले न्यूनतम ५१ प्रतिशत सेयर होल्ड गरी बाँकी सेयर सर्वसाधारणका जारी गर्न पाउने छन् ।

प्रतिक्रिया दिनुहोस्

Nepal_telecom