काठमाडौैं । हालै एउटा समाचार आएको थियो कि भारत र एसियाका सबैभन्दा धनी व्यक्ति मुकेश अम्बानीको कम्पनी रिलायन्स रिटेलले ठूलो धमाका गर्ने तयारी गरिरहेको छ । रिलायन्स रिटेल र ई–कमर्स कम्पनी शीन भारतमा कपडाको उत्पादन बढाउन चाहन्छ । साथै, तिनीहरू भारतमा बनेका शीन ब्रान्डका कपडाहरू विश्वभर बेच्न चाहन्छन् ।

शीन एक ई–कमर्स कम्पनी हो । यो चीनमा सुरु भएको थियो तर अहिले यसको मुख्यालय सिंगापुरमा छ । शीन एक ठूलो फास्ट–फेसन कम्पनी हो । यसले वार्षिक ४३० बिलियन भन्दा बढी कमाउँछ । शीनले सस्तो मूल्य र मार्केटिङ मार्फत ग्राहकहरूलाई आकर्षित गर्छ । तर यसको मालिकको बारेमा धेरै कम मानिसहरूलाई थाहा छ ।

शीनका संस्थापक क्रिस शू हुन्, जसलाई स्काई शू पनि भनिन्छ । शू शीनका सह–संस्थापक र सीईओ हुन् । शीन एक धेरै द्रुत गतिमा बढ्दो फेसन ब्रान्ड हो । यो जेन जेडमा धेरै लोकप्रिय छ । शीनले १५० भन्दा बढी देशहरूमा ट्रेंडी कपडा बेच्छ । शीनले २०१८ मा भारतमा व्यापार सुरु गर्यो । तर २०२० मा, भारत सरकारले शीनसहित केही चिनियाँ कम्पनीहरूलाई प्रतिबन्ध लगायो । यस वर्षको फेब्रुअरीमा रिलायन्स इन्डस्ट्रिजसँग सम्झौता गरेर शीनले भारतमा पुनः प्रवेश गर्यो र क्जष्भलक्ष्लमष्ब.ष्ल नामक वेबसाइट सुरु गर्यो । भारतमा बनेका शीन ब्रान्डका कपडाहरू यस वेबसाइटमा बेचिन्छन्, जबकि चीनमा बनेका अधिकांश लुगाहरू शीनका अन्य वेबसाइटहरूमा उपलब्ध छन् ।

कसरी सुरु भयो ?

४१ वर्षीय शुको बारेमा सार्वजनिक रूपमा धेरै जानकारी उपलब्ध छैन । यसको कारण उनी मिडियाबाट टाढा रहनु हो । उनको जन्म १९८४ मा चीनको शानडोङ प्रान्तमा भएको थियो । अहिले उनीसँग सिंगापुरको नागरिकता पनि छ, जहाँ उनको कम्पनीको मुख्यालय छ । उनले चीनको क्विङदाओ विज्ञान तथा प्रविधि विश्वविद्यालयबाट विज्ञानमा स्नातक डिग्री हासिल गरेका छन् । स्नातक पछि, शुले मार्केटिङको क्षेत्रमा काम गरे । उनले नान्जिङ आओदाओ सूचना प्रविधि कम्पनीमा खोज इन्जिन अप्टिमाइजेसन (एससिओ) मा विशेषज्ञता हासिल गरे । यसपछि, शुले महसुस गरे कि विश्वव्यापी बजारमा चिनियाँ उत्पादनहरू बेच्ने धेरै सम्भावना छ । २००८ मा, शुले दुई व्यापारिक साझेदारहरूसँग मिलेर नान्जिङ डियानवेई सूचना प्रविधि कम्पनी स्थापना गरे । यसलाई शीनको प्रारम्भिक रूप मानिन्छ ।

केही वर्षपछि, उनले सेलेनसाइड नामक कम्पनी सुरु गरे । सुरुमा, यो कम्पनीले विवाहको पोशाक बेच्थ्यो । २०१५ मा, कम्पनीको नाम परिवर्तन गरी शीन राखियो । त्यही वर्ष, शूले कम्पनीको मुख्यालय नान्जिङबाट ग्वाङ्झाउ र त्यसपछि २०२२ मा सिंगापुरमा स्थानान्तरण गरे । शू शीनका सिइओ हुन् र कम्पनीको सबैभन्दा ठूलो व्यक्तिगत शेयरधनी पनि मानिन्छन् । उनको नेतृत्वमा, शीनले विश्वका सबैभन्दा ठूला फेसन रिटेलरहरूमा आफ्नो नाम कमाएको छ ।

यो कम्पनी आफ्नो अल्ट्रा–फास्ट फेसन मोडेल, फराकिलो उत्पादन दायरा र कम मूल्यका लागि परिचित छ । फोब्र्सका अनुसार, जूको कुल सम्पत्ति ४९.१ बिलियन डलर छ । उनी चीनका सबैभन्दा धनी व्यक्तिहरूमध्ये एक हुन् । कम्पनीले २०२२ को पहिलो छ महिनामा ४१०० बिलियनको मूल्याङ्कनमा पैसा उठायो । तर पछि, विश्वव्यापी शेयर बजारमा आएको गिरावटका कारण यसको मूल्याङ्कन घट्यो ।

सूचीकरणको तयारी गर्दै

२०२३ मा, शीन अफलाइन बजारमा प्रवेश गर्यो । यसका लागि, यसले स्पार्क ग्रुपसँग साझेदारी गर्यो । स्पार्क ग्रुपले फास्ट फेसन चेन फोरएभर २१ सञ्चालन गर्दछ । यस साझेदारीअन्तर्गत, शीनले अमेरिकामा फोरएभर २१ स्टोरहरूमा आफ्नो स्थान बनाएको छ । कम्पनीले पहिले अमेरिकामा आईपीओ ल्याउने सोचमा थियो तर अब लन्डनमा सूचीबद्ध गर्ने योजना बनाएको छ । अनुवाद गरिएकोे