रियल मड्रिडले १२ औं पटक युरोपेली च्याम्पियन्स लिगको उपाधि हात पारेको छ । गए राती भएको फाइनल खेलमा युभेन्टसलाई हराउँदै मड्रिडले १२ औं पटक युएएफएको उपाधी उचालेको हो ।
मड्रिडले युभेन्टसलाई ४-१ गोल अन्तरले युरोपेली च्याम्पियन्स लिगको उपाधी रक्षा गरेको हो । जसमा क्रिस्टियानो रोनाल्डोले २ गोल गरेको थिए ।
रोनाल्डोले ड्यानी कार्भाहालको पासलाई गोलमा परिणत गर्दै २० औं मिनेटमा रियललाई अग्रता दिलाएका थिए । पहिलो हाफमै युभेन्टसका मारियो मान्जुकिचले गोल गर्दै बराबरीमा पुर्याएका थिए ।
दोस्रो हाफमा रियलले थप ३ गोल गर्दै अन्तत ४-१ को फराकिलो जीत निकाल्यो । जसमा कासेमिरोले ६१ औं मिनेटमा गोले गरे भने ६४ औं मिनेटमा पुनः रोनाल्डोले तेस्रो गोल गरे । त्यसपछि मार्को असेन्सियोले अन्तिम समयमा चौथो गोल गरेका थिए ।
जीतसँगै रियलले विश्वकै सबैभन्दा महंगो पुरस्कार भएको च्याम्यिन्स लिगको उपाधी उचालको हो । जीतसँगै रियलले १५ दशमलब ५ मिलियन युरो रकमका साथमा ट्रफी उचालेको छ ।
