काठमाडौं । एक वर्षमा ९२ सेयर ब्रोकरले २१ खर्ब २४ अर्ब रुपैयाँको सेयर कारोबार गरेका छन् । नेपाल स्टक एक्सचेञ्ज ९नेप्से ०ले पहिलोपटक कुन ब्रोकर कम्पनीले वर्षभरमा कति कारोबार गरे भन्ने तथ्यांक सार्वजनिक गरेको हो । सोअनुसार गत आर्थिक वर्षभर सञ्चालनमा रहेका ९२ ब्रोकर कम्पनीहरुले २१ खर्ब २४ अर्ब रुपैयाँ बराबरको सेयर कारोबार गरेका हुन् ।
तथ्यांकअनुसार गत वर्ष सबैभन्दा धेरै रकमको सेयर कारोबार गर्नेमा ब्रोकर नम्बर ५८ नासा सेक्युरिटीज रहेको छ । एक वर्षको अवधिमा सो ब्रोकरमार्फत २ खर्ब ५८ अर्ब रुपैयाँको सेयर खरिदबिक्री भएको छ । सो कम्पनीमार्फत १ खर्ब २९ अर्ब रुपैयाँको सेयर खरिद भएको छ भने १ खर्ब २९ अर्ब रुपैयाँ बराबरकै सेयर बिक्री भएको छ ।
यता, दोस्रोमा इम्पेरियल सेक्युरिटीज रहेको छ । यसले एक वर्षको अवधिमा ८३ अर्ब २१ करोड रुपैयाँको सेयर बिक्री गरेको छ भने ८७ अर्ब ७ करोड रुपैयाँ बराबरको सेयर बिक्री भएको छ । जसअनुसार यस ब्रोकरमार्फत कुल १ खर्ब ७० अर्ब रुपैयाँ बराबरको सेयर खरिदबिक्री भएको छ । त्यस्तै, तेस्रो धेरै सेयर कारोबार गर्नेमा भिजन सेक्युरिटीज रहेको छ । यसले कुल १ खर्ब ५७ अर्ब रुपैयाँ बराबरको सेयर कारोबार गरेको छ । जसअनुसार यस ब्रोकरमार्फत ७९ अर्ब ७८ करोड रुपैयाँको सेयर बेचेको छ भने ७७ अर्ब २३ करोड रुपैयाँको सेयर खरिद भएको छ । अब प्रत्येक महिना कुन ब्रोकरको कारोबार गर्यो भन्ने तथ्यांक नेप्सेले सार्वजनिक गर्ने जनाएको छ ।
कसले कति गरे कारोबार ?
