पीएलओ ग्रुपका निर्देशक कृष्णप्रसाद दुलाल नेपाल अटोमोवाइल डिलर्श एशोसियशनको पनि कोषाध्यक्ष हुनुहुन्छ । जेसिसका पूर्व कोषाध्यक्ष समेत रहेका दुलाल अहिलेपनि विभिन्न सामाजिक संघसंस्थामा आवद्ध छन् ।
विहान कति बजे उठिन्छ ?
८ बजे ।
त्यसपछि ?
प्रायःजसो ९ बजे अफिस पुग्छु ।
दैनिक कार्यतालिका कसरी बनाउनु भएको छ ?
सर्वप्रथम अफिसमा गएर के–के काम छन् गर्ने । दिउसो प्रायजासो मार्केटिङमा जान्छु । सकेन्ड हाफको केही समय सामाजिक संघसंस्थालाई दिन्छु ।
कुन–कुन संघसंस्थामा हुनुहुन्छ ?
नेपाल अटोमोवाइल डिलर्श एशोसियशन (नाडा)को कोषाध्यक्ष, जेसिसको पूर्व कोषाध्य भएकोेले त्यसमा पनि केही समय दिन्छु । त्यसैगरी, पूर्वका विभिन्न व्यापार संघमा आवद्ध छु ।
आफुले चाहीँ कसरी मनोरञ्जन लिइरहनु भएको छ ?
जिन्दगीको पहिलो उद्देश्य नै मनोरञ्जन हो । मनोरञ्जन नभए केही पनि हुँदैन । यसका लागि ट्राभल गर्नुका साथै फिल्म हेर्छु । कविता पनि लेख्छु ।
हालसम्म कतिवटा देशको ट्राभल गर्नुभएको छ ?
२० वटा जति देशको भ्रमण गरे । अव नेपालको विभिन्न ठाउँको भ्रमण गर्ने रहर छ ।
अहिलेसम्म घुमेकोमध्ये बढी मन परेको ठाउँ ?
थाइल्याण्ड । त्यहाँ पर्यटकलाई स्वागत गर्ने परम्परा नै राम्रो छ ।
आफुले हेरेको मध्ये कुनै मनपर्ने फिल्म ?
हिन्दीमा ‘पिके’ हो भने नेपालीमा ‘नाइ नभन्नु ल २’ । नाइ नभन्नु ल २ हेर्दा धरधरी रोएको छु ।
रुनै पर्ने काहानी के रहेछ त्यस्तो ?
एकदमै मार्मिक छ । विशेषगरी बच्चाको काहानी छ । त्यसैले मन प¥यो ।
तँपाइलाई मन पर्ने नायक/नायिका ?
नायकमा भुवन केसी मन पर्छ भने नायिकामा नम्रता श्रेष्ठ मन पर्छ ।
खाना ?
खानामा अलि बढी सौखिन छु । त्यसमा पनि इण्डियन खाना बढी मन पर्छ ।
ड्रेसअप ?
प्रायःजसो सुट नै लगाउँछु ।
ग्याजेट्स ?
एप्पलको प्रयोग गर्छु ।
अध्ययन ?
बीबीएस ।
तपाइको लक्ष्य ?
नेपाल अटोमोवाइल डिलर्श एशोसियशन (नाडा)को अध्यक्ष बन्ने लक्ष्य छ । त्यस्तै नेपाली लुव्रिकेन्ट्सलाई ग्राहकको पहिलो रोजाइमा पु¥याउने हो ।
नयाँ व्यवसायिक योजना ?
होटल खोल्ने योजना छ । त्यसैगरी थप २ नयाँ ब्राण्डका लुव्रिकेन्ट्स पनि उत्पादन गर्दैछौं । त्यसपछि भनेको समाजसेवा नै हो ।
व्यवसायिक योजना बनाउन कुनै किताव पढ्नुहुन्छ ?
पढ्दिन । अनुभवको आधारमा योजना बनाउछु ।
साहित्य ?
त्यसप्रति एकदमै रुची छ । अहिलेसम्म साहित्यका ५० भन्दा बढी किताव पढीसके । भविष्यमा कविता संग्रह र गीती एल्वम निकाल्ने सोच बनाएको छु ।
आफुलाई मन परेको किताव ?
स्व.जगदिश घिमिरेको ‘अन्तरमनका यात्रा’ र आनी छोइन डोल्माको ‘काटा कि फुल’
धार्मिक आस्था ?
राख्छु । तर, लाइन वसरेर मन्दिरमा पुजा गर्दिन । मन्दिरमा भगवान हुन्छ भन्ने होइन कि सेवामा भगवान हुन्छ ।
नेपालका उद्योगी व्यवसायीको राम्रा/नराम्रा पक्ष ?
नेपालका व्यवसायीले यस्तो सङ्क्रमणकालिन अवस्थामा पनि उद्योग कलकारखाना संचालन गरिरहेका छन् । त्यो नै उनीहरुको राम्रो पक्ष हो ।
सवैभन्दा बढी मनपर्ने व्यवसायी ?
शौरभ ज्योति, शेखर गोल्छा र सौर्य राणा । उनीहरुको काम गर्ने शैली, व्यवसाय प्रतिको लगाव र स्वभाव मनपर्छ ।