Logo

GBIME

विदेशमा लगानी गर्न प्रतिवन्ध, अवैध तरिकाले पैसा विदेश पठाए कारबाही गर्ने राष्ट्र बैंकको चेतावनी

विदेशमा लगानी गर्न प्रतिवन्ध, अवैध तरिकाले पैसा विदेश पठाए कारबाही गर्ने राष्ट्र बैंकको चेतावनी



काठमाडौं । नेपाल राष्ट्र बैंकले अवैध तरिकाले विदेशमा कुनै पनि प्रकारको लगानी नगर्न निर्देशन दिएको छ । बैंकको विदेशी विनिमय व्यवस्थापन विभागले शुक्रबार एक सूचना सार्वजनिक गर्र्दै ऐनमा तोकिएभन्दा विपरित विदेशमा कुनै प्रकारको लगानीमा रोक लगाएको हो ।

पछिल्लो समय क्यापिटल फ्लाईटको समस्या बढिरहेको गुनासो आएसँगै विदेशमा पैसा पठाउने कार्यको राष्ट्र बैंकले नियमनमा कडाई गर्न लागेको हो ।

राष्ट्र बैंकले जारी गरिएको सूचनामा विदेशी विनिमय ऐन २०१९ को दफा १० अनुसार मात्रै विदेशमा लगानी गर्नुपर्ने उल्लेख छ । अर्थात ऐनको उक्त दफामा कुनै पनि नेपाली नागरिकले विदेशमा लगानी गर्दा बैंकले सार्वजनिक सूचना प्रकाशित गरी तोकेबमोजिम मात्रै गर्नुपर्ने व्यवस्था गरिएको छ ।

विदेशमा घरजग्गा खरिद, धितोपत्र खरिद, सम्पत्ति खरिद, विदेशी बैंकमा निक्षेप, पूँजीगत कार्य र सोसम्बन्धि प्रचारप्रसारसमेत नगर्न राष्ट्र बैंकले उक्त सूचनामार्फत निषेध गरेको छ । यदि कोही कसैले यसरी लगानी गरेको पाईएमा कानुनबमोजिम कारबाही गरिनेसमेत राष्ट्र बैंकले जानकारी दिएको छ ।

प्रतिक्रिया दिनुहोस्
NBL
NCHL