निजी विद्यालयहरुले अनलाईन क्लासको शुल्क लिन पाउने, स्थानीय तहले स्वीकृति दिनुपर्ने


बिजखबर संवाददाता
10 September, 2020 2:57 pm

online-class

काठमाडौं । सरकारले निजी विद्यालयहरूलाई अनलाइन कक्षाको शुल्क लिन अनुमति दिएको छ । शिक्षा, विज्ञान तथा प्रविधि मन्त्रालयले ‘विद्यार्थी सिकाइ सहजीकरण निर्देशिका’ जारी गर्दै उक्त शुल्क लिन पाउने व्यवस्था गरेको हो । योसँगै अनलाइन कक्षा सञ्चालन गरिरहेका निजी स्कुलहरूले निर्देशिका बमोजिम शुल्क लिने बाटो खुला भएको हो ।

Tansen-Webbanner-(200x200)-pxl
bajaj

मन्त्रालयले अनलाइनलगायत वैकल्पिक विधिबाट गरिने शिक्षणलाई मान्यता दिएसँगै शुल्क लिन पाइने भएको हो। तर शुल्क लिन अनिवार्य रूपमा सम्बन्धित स्थानीय तहले भने स्वीकृति दिनुपर्नेछ।

मन्त्रालयले जारी गरेको निर्देशिकामा शुल्कसम्बन्धी व्यवस्थामा, ‘विद्यालयले लिन पाउने शुल्क प्रचलित कानूनको अधिनमा रहि स्थानीय तहले स्वीकृत गरे बमोजिम हुनेछ,’ भन्ने उल्लेख छ। यसअघि निजी विद्यालयले अनलाइन कक्षाको शुल्क मागेपछि मन्त्रालयले नतिर्नू भनेको थियो।निजी विद्यालयहरूले पनि सरकारीमा जस्तै असार १ गतेदेखि अनलाइनलगायत वैकल्पिक विधिबाट पठनपाठन जारी राखेका छन्।

प्रतिक्रिया दिनुहोस्

Ad

creta_hyundai