काठमाडौं । नेपाल बैंकर्स एशोसिएसनले शुक्रबारदेखि ५ दिन बैंकहरुका शाखा बन्द गर्ने बताएको छ । प्रतिदिन बढिरहेको कोरोना भाईरस संक्रमण र दशै विदाको अवसरमा संघले आफुसम्बद्ध बैंकका शाखाहरु बन्द गर्ने बताएको हो ।
कात्तिक ७ गते फूलपातीदेखि कात्तिक ११ गतेसम्म बैंकका शाखाहरु बन्द हुने छन्। संघका अनुसार, वाणिज्य बैंकहरुका करिब ३ हजार ७ सयभन्दा बढी कर्मचारी संक्रमित छन्। संघले डिजिटल बैंकिङ सेवा निरन्तर हुने जनाएको छ। साथै एटीएम पनि सञ्चालन हुनेछ।
संघले संक्रमणबाट जोगिन सर्वसाधारणलाई डिजिटल बैंकिङको प्रयोग गर्न पनि आग्रह गरेको छ।
